- Арбаз сайлама да, хоншу сайла.
- Джылар джаш, атасыны сакъалы бла ойнар.
- Къатыны харакетли болса, эри къымсыз болур.
- Билимден уллу байлыкъ джокъду.
- Билген билмегенни юретген адетди.
- Кечеси – аяз, кюню – къыш, джарлы къаргъагъа бир аш тюш!
- Адамны сыфатына къарама, сёзюне къара.
- Къарнынг бла ёч алма.
- Кёбден умут этиб, аздан къуру къалма.
- Артына баргъанны, къатына барма.
- Мал ёлсе, сюек къалыр, адам ёлсе, иши къалыр.
- Иесиз малны бёрю ашар.
- Кирсизни – саны таза, халалны – къаны таза.
- Орундукъ тюбюнде атылсам да, орта джиликме, де да айлан.
- Аман киши кеси юйюнде – къонакъ.
- Айыбны суу бла джууалмазса.
- Къолу уллу – асыу, аягъы уллу – джарсыу.
- Адамны адамлыгъы къыйынлыкъда айгъакъланады.
- Атлыны кёрсе, джаяуну буту талыр.
- Аджашханны ызындагъы кёреди, джангылгъанны джанындагъы биледи.
- Джахил болса анасы, не билликди баласы?
- Ашхы – джыяр, аман – джояр.
- Зар адам ашынгы ашар, кесинги сатар.
- Сибиртки да сыйлы болду, кюрек да кюнлю болду.
- Кюлме джашха – келир башха.
- Кёрмегеннге кебек – танг, битмегеннге сакъал – танг.
- Аз сёлеш, кёб ишле.
- Татлы сёз – балдан татлы.
- Аманнга игилик этсенг, юйюнге сау бармазса.
- Ханнга да келеди хариблик.
- Уясында не кёрсе, учханында аны этер.
- Джолда аягъынга сакъ бол, ушакъда тилинге сакъ бол.
- Чабакъсыз кёлге къармакъ салгъанлыкъгъа, чабакъ тутмазса.
- Билмезни кёзю кёрмез, этмезни къулагъы эшитмез.
- Мадар болса, къадар болур.
- Байдан умут эте, джарлыдан ёгюз багъасы къорады.
- Чакъырылмагъан къонакъ – орунсуз.
- Аджалсыз ёлюм болмаз.
- Ашын ашагъанынгы, башын да сыйла.
- Телиге акъыл салгъандан эсе, ёлгеннге джан салырса.
- Эки къатын алгъанны къулагъы тынгнгаймаз.
- Джюрек кёзден алгъа кёрюр.
- Биреуню эскиси биреуге джангы болмайды.
- Джаш болсун, къыз болсун, акъылы, саны тюз болсун.
- Ёмюрлюк шохлукъну джел элтмез.
- Бек ашыкъгъан меннге джетсин, дегенди аракъы.
- Тёзген – тёш ашар!
- Хоншуну тауугъу къаз кёрюнюр, келини къыз кёрюнюр.
- Бозанг болмагъан джерге, къалагъынгы сукъма.
- Джан саулукъ бермей, сан саулукъ бермезсе.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 10)