- Чакъырылмагъан джерге барма, чакъырылгъан джерден къалма.
- Къатын байлыкъны сюер, эр саулукъну сюер.
- Ачлыкъ отха секиртир.
- Джаш болсун, къыз болсун, акъылы, саны тюз болсун.
- Акъыллы – эл иеси, тели – эл баласы.
- Тил – кесген бычакъ, сёз – атылгъан окъ.
- Бек ашыкъгъан меннге джетсин, дегенди аракъы.
- Ариу – кёзге, акъыл – джюрекге.
- Мен да «сен», дейме, сен да «кесим», дейсе.
- Кесине оноу эте билмеген, халкъына да эте билмез.
- Кёзден кетген, кёлден да кетеди.
- Башда акъыл болмаса, эки аякъгъа кюч джетер.
- Эл бла кёргенинг эрелей.
- Ичимден чыкъды хата, къайры барайым сата?
- Билим къая тешер.
- Зар адам ашынгы ашар, кесинги сатар.
- Джюз элде джюз ёгюзюм болгъандан эсе, джюз джууугъум болсун.
- Къуллукъчума, деб махтанма, къуллукъ – хаух джамчыды!
- Аман адам элни бир-бирине джау этер.
- Ётюрюкден тюбю джокъ, кёлтюрюрге джиби джокъ.
- Джангызны оту джарыкъ джанмаз!
- От кюйдюрген, сау болса да, тот кюйдюрген, сау болмаз.
- Тюкюрюк баш джармаз, налат кёз чыгъармаз!
- Тойгъа барсанг, тоюб бар, эски тонунгу къоюб бар.
- Бозанг болмагъан джерге, къалагъынгы сукъма.
- Къазанда болса, чолпугъа чыгъар.
- Эртде тургъан бла эртде юйленнген сокъуранмаз.
- Нёгер болсанг, тенг бол, тенг болмасанг, кенг бол.
- Керилген да, ургъан кибикди.
- Ишин билген, аны сыйын чыгъарады.
- Киштикге къанат битсе, чыпчыкъ къалмаз эди.
- Эринчекни эр алмаз, эр алса да, кёл салмаз, кёл салса да, кёб бармаз!
- Рысхы – сют юсюнде кёмюк кибикди.
- Къазанны башы ачыкъ болса, итге уят керекди.
- Ачылгъан эт джабылыр, кёрген кёз унутмаз.
- Ата – билек, ана – джюрек!
- Къонакъ хазыр болгъанлыкъгъа, къонакъбай хазыр тюлдю.
- Кирсизни – саны таза, халалны – къаны таза.
- Аууз сакълагъан – джан сакълар.
- Кёб къычыргъандан – къоркъма, тынч олтургъандан – къоркъ.
- Аз айтсам, кёб ангылагъыз.
- Къызгъанчдан ычхыныр, мухардан ычхынмаз.
- Аманнга игилик этсенг, юйюнге сау бармазса.
- Хар сёзню орну барды.
- Кимни – тили, тиши онглу, кимни – къолу, иши онглу.
- Къозулугъунда тоймагъан, къойлугъунда тоймаз.
- Аманнга алтын чыдамаз.
- Джиби бир къат джетмей эди да, эки къат тарта эди.
- «Ма», - дегенни билмесенг, «бер», - дегенни билмезсе.
- Аллахдан тилесенг, кёб тиле.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 8)