- Керек ташны ауурлугъу джокъ.
- Хансыз джомакъ болмаз.
- Тёрде – темир таякълы, къаяда – чыпчыкъ аякълы.
- Кёрмегеннге кебек – танг, битмегеннге сакъал – танг.
- Иги бла джюрюсенг, джетерсе муратынга, аман бла джюрюсенг, къалырса уятха.
- Дуния мал дунияда къалады.
- Биреу ашаб къутулур, биреу джалаб тутулур.
- Тойну къарнашы – харс, джырны къарнашы – эжиу.
- Артына баргъанны, къатына барма.
- Мухар, кеси тойса да, кёзю тоймаз.
- Бал чибинни ургъаны – ачы, балы – татлы.
- Ашарыкъда сайлагъаннга – чий гырджын.
- Аджашханны ызындагъы кёреди, джангылгъанны джанындагъы биледи.
- Адам туугъан джеринде, ит тойгъан джеринде.
- Терслик кетер, тюзлюк джетер.
- Джиби бир къат джетмей эди да, эки къат тарта эди.
- Арпа, будай – ащды, алтын, кюмюш а – ташды.
- Джыланны къуйругъундан басарынг келсе, аны башы болгъанын унутма.
- Садакъачыны джаны – къапчыгъында.
- Къонакъ аз олтурур, кёб сынар.
- Тёрени джагъы джокъ.
- Кютгени беш эчки, сызгъыргъаны уа, джерни джарады.
- Ачыу алгъа келсе, акъыл артха къалады.
- Акъыл сабырлыкъ берир.
- Иги адам абынса да, джангылмаз.
- Ариуну – ауруу кёб.
- Ауурну тюбю бла, дженгилни башы бла джюрюген.
- Айырылгъанланы айю ашар, бёлюннгенлени бёрю ашар.
- Кесине гебен этелмеген, биреуге черен эте эди.
- Тёзгеннге, джабылгъан эшик ачылыр.
- Ата Джуртуму башы болмасам да, босагъасында ташы болайым.
- Адеб базарда сатылмаз.
- Аурууну келиую тынч, кетиую – къыйын.
- Къан бла кирген, джан бла чыгъар.
- Ариу сёзде ауруу джокъ.
- Экеулен сёлеше тура эселе, орталарына барыб кирме.
- Тюзню ётмеги тюзде къалса да, тас болмаз.
- Байны оноуу, джарлыгъа джарамаз.
- Олтуруб кёрюнмей эди да, ёрге туруб кёрюне эди.
- Бет бетге къараса, бет да джерге къарар.
- Ургъан суудан башынгы сакъла.
- Оюмсуз атлагъан, аджалсыз ёлюр.
- Къолу уллу – асыу, аягъы уллу – джарсыу.
- Тюзлюк тас болмайды.
- Билим насыб берир, билим джолну керир.
- Кёпюр салгъан кеси ётер, уру къазгъан кеси кетер.
- Тенгинг джокъ эсе – изле, бар эсе – сакъла!
- Чакъырылмай келген къонакъ сыйланмай кетер.
- Aдам боллукъ, сыфатындан белгили.
- Адебсиз адам – джюгенсиз ат.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 8)