- Борчунг бар эсе, хурджунунга ойлаб узал.
- Арба аугъандан сора, джол кёргюзтюучю кёб болур.
- Ана къолу ачытмаз.
- Ана къойну – балагъа джандет.
- Ана кёлю – балада, бала кёлю – талада.
- Алма терегинден кери кетмез.
- Ана – юйню кюн джарыгъы.
- Чомартны къолу берекет.
- Эр сокъур болсун, къатын тилсиз болсун.
- Къарнынг ауруса, ауузунгу тый
- Атлыны кёрсе, джаяуну буту талыр.
- Джырчы ёлсе, джыры къалыр.
- Къыйынлы джети элни къайгъысын этер.
- Уруну арты – къуру.
- Адам туугъан джеринде, ит тойгъан джеринде.
- Къарын къуру болса, джюрек уру болур.
- Ханы къызы буюгъа-буюгъа киштик болду.
- Ариу сёз – къылычдан джити.
- Шайтан алдады, тюзлюк къаргъады.
- Байны къызы баймакъ болса да, юйде къалмаз!
- Джумушакъ терекни къурт ашар.
- Кютгени беш эчки, сызгъыргъаны уа, джерни джарады.
- Тёзгеннге, джабылгъан эшик ачылыр.
- Джашынгы кесинг юретмесенг, джашау юретир.
- Тюз сёз баргъан сууну тыяр.
- Уясында не кёрсе, учханында аны этер.
- Намыс сатылыб алынмайды.
- Ауругъаннга – кийик саулукъ, джетген къызгъа – чилле джаулукъ.
- Намысы болмагъанны, сыйы болмаз.
- Къан бла кирген, джан бла чыгъар.
- Джарлыны эшигин махтагъан джабар.
- Босагъа таш юйге кирмей эди, тыбыр таш эшикге чыкъмай эди.
- Чакъырылмагъан къонакъ тёрге атламаз.
- Ойнай билмеген, уруб къачар.
- Адамны адамлыгъы къыйынлыкъда айгъакъланады.
- Окъуусуз билим – джокъ, билимсиз кюнюнг – джокъ.
- Ётюрюкню башын керти кесер.
- Ата Джуртча джер болмаз, туугъан элча эл болмаз.
- Сангырау къулакъ эл бузар.
- Айтылгъан буйрукъ, сёгюлмез
- Уллу къазанда бишген эт, чий къалмаз.
- Татлы сёз – балдан татлы.
- Аш хазыр болса, иш харам болур.
- Эркиши – от, тиширыу – суу.
- Адам боллукъ, атламындан белгили болур.
- Джарашыу сюйген – джалынчакъ.
- Телиге акъыл салгъандан эсе, ёлгеннге джан салырса.
- Терслик кетер, тюзлюк джетер.
- Нафысынгы айтханын этме, намысынгы айтханын эт.
- Башынга джетмегенни сорма.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 9)