- Адамны аты башхача, акъылы да башхады.
- Тил бла келеди джыр да.
- Башланнган иш битер, къымылдагъан тиш тюшер.
- Тюз сёз баргъан сууну тыяр.
- Джумушакъ терекни къурт ашар.
- Ауузу аманнга «иги», деме.
- Билимсиз иш бармаз.
- Сагъыш – къартлыкъгъа сюйюмчю.
- Адамгъа аман кюн соруб келмейди.
- Ашаса, ашамаса да, бёрюню ауузу – къан.
- Ана къойну – балагъа джандет.
- Башынга джетмегенни сорма.
- Ач къарынны, токъ билмез
- Ёзденликни джайгъан – джокълукъ.
- Къатын байлыкъны сюер, эр саулукъну сюер.
- Асхат ашлыкъ сата, юйдегиси ачдан къата.
- Ашха уста, юйюнде болсун
- Таукелге нюр джауар.
- Биреуге аманлыкъ этиб, кесинге игилик табмазса.
- Аман хансны – урлугъу кёб.
- Адеб этмеген, адеб кёрмез.
- Аджашханны ызындагъы кёреди, джангылгъанны джанындагъы биледи.
- Къатыны харакетли болса, эри къымсыз болур.
- Байны оноуу, джарлыгъа джарамаз.
- Ургъан суудан башынгы сакъла.
- Акъыл аздырмаз, билим тоздурмаз.
- Дженгил джетерикме деб, узун джолну къоюб, къысхасын барма.
- Ойнай билмеген, уруб къачар.
- Алтыда кюлмеген, алтмышда кюлмез.
- Эркишиге тары кебек танг кёрюнюр.
- Билгенни къолу къарны джандырыр.
- Къайгъыны сюйген, къайгъы табар.
- Ишни аллы бла къууанма да, арты бла къууан.
- Джаш къарыу бла кючлю, къарт акъыл бла кючлю.
- Башы джабылгъан челекге, кир тюшмез.
- Адебсиз адам – джюгенсиз ат.
- Ана – юйню кюн джарыгъы.
- Эр сокъур болсун, къатын тилсиз болсун.
- Къууут – джелге, берне – бошха.
- Кёзюнде тереги болгъан, чёбю болгъаннга кюле эди.
- Эртде тургъан бла эртде юйленнген сокъуранмаз.
- Джарлыны эшигин махтагъан джабар.
- Минг тенг да азды, бир джау да кёбдю.
- Ойнай билмеген, оюн бузар.
- Итли къонакъ джарашмаз.
- Айтылгъан буйрукъ, сёгюлмез
- Ариу – кёзге, акъыл – джюрекге.
- Сёз садакъдан кючлюдю.
- Ишин билген, аны сыйын чыгъарады.
- Айран ичген – къутулду, джугъусун джалагъан – тутулду.
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 8)