- Тойгъа алгъа да барма, тойда артха да къалма.
- Джылар джаш, атасыны сакъалы бла ойнар.
- Элде адам къалмаса, ит тахтагъа минер.
- Аман эсирсе, юйюн ояр.
- Кёл – къызбай, къол – батыр.
- Бетинги сатма, малынгы сат.
- Къыйынлы джети элге оноу этер.
- Джашны джигитлиги сорулур, къызны джигерлиги сорулур.
- Аман адам элни бир-бирине джау этер.
- Тили узунну, намысы – къысха.
- Уллу суу бла уллу ауруудан башынгы сакъла.
- Сагъышы джокъ – джукъучу, акъылы джокъ – къаугъачы.
- Къарын къуру болса, джюрек уру болур.
- Тиширыусуз юй – отсуз от джагъа.
- Гырджын – тепсини тамадасы.
- Джумушакъ сёз къаты таякъны сындырыр.
- Къазанны башы ачыкъ болса, итге уят керекди.
- Ана къолу ачытмаз.
- Къоркъакъны кёзю экили кёрюр.
- Чакъырылмагъан къонакъ тёрге атламаз.
- Чабакъгъа акъыл, табагъа тюшсе келеди.
- Джукъу тёшек сайламайды.
- От кюйдюрген, сау болса да, тот кюйдюрген, сау болмаз.
- Акъыллы айтыр эди, акъылсыз къоймайды.
- Джигер – джаннга къыйынлыкъ.
- Сагъыш – къартлыкъгъа сюйюмчю.
- Джумушакъ терекни къурт ашар.
- Ёнгкюч къууана барыр, джылай келир.
- Сибиртки да сыйлы болду, кюрек да кюнлю болду.
- Миллетни бойну – базыкъ, аны бла кюрешген – джазыкъ.
- Ач келгенни – тойдур, кеч келгенни – къондур.
- Тюз сёз баргъан сууну тыяр.
- Тас болгъан бычакъны сабы – алтын.
- Юреннген ауруу къалмаз.
- Чомартха Тейри да борчлуду.
- Джюрек кёзден алгъа кёрюр.
- Иги адам абынса да, джангылмаз.
- Сабыр джетер муратха, сабырсыз къалыр уятха.
- Къонакъ хазыр болгъанлыкъгъа, къонакъбай хазыр тюлдю.
- Эшекни не къадар тюйсенг да, ат болмаз.
- Сангырау къулакъ эл бузар.
- Адамны адамлыгъы къыйынлыкъда айгъакъланады.
- Алим болгъандан эсе, адам болгъан къыйынды.
- Азыгъы аз, алгъа къабар, аты аман, алгъа чабар.
- Намысы джокъну – дуниясы джокъ.
- Хар зат кесини орнуна иги.
- Ана къойну – балагъа джандет.
- Эр абынмай, эл танымаз.
- Халкъны джырын джырласанг, халкъ санга эжиу этер.
- Тыш элде солтан болгъандан эсе, кесинги элде олтан болгъан игиди!
Келигиз, тил байлыгъыбызны сакълайыкъ!
|
Культур-мультур
 |
|
|
|
|
|
Аламатма
Кесинг джазыб къоярмы эдинг, ансын миллетни башы ауруду  |
|
|
|
|
|
Джамагъат, ач къарангы деб неге айтадыла? ач къарын деселе ангыларыкъ эдим
|
|
|
|
|
|
Бусагъатда окъугъанма бир тынгылагъыз:
Ана тил бла муратынга джетерсе, Аны унутсанг, Сокъурана кетерсе. акъыллы сёзле.  |
|
|
|
|
|
Сорвиголова
Джамагъат, ач къарангы деб неге айтадыла? ач къарын деселе ангыларыкъ эдим  Ёлтюрдюнг Ач къарангы -деб, адамны аш ашагъынчы болумуна айтадыла. Орусча айтыргъа "натощак" |
|
|
|
|
|
Бешик бауунг бек болсун, сух болсун,
Джашау кюнюнг кёб болсун, хус болсун. Бир темада джазгъанмада бу назмуну, сёзлени уа ангыламайма   Неледиле была |
|
|
|
|
|
Сакълайма, не болдугъуз?
|
|
|
|
|
|
Тоба, тоба къайры тас болдула тилни блгенле? Бир джууаб беригиз соруума
|
|
|
|
|
|
Ёксюзню къаргъышы къабыл болур.
керти болур) |
|
|
|
|
|
отоу отдан тоймаз, келин хантдан тоймаз)
Акъыллычыкъ буну эшитгенменг)? |
|
|
|
|
|
7km
отоу отдан тоймаз, келин хантдан тоймаз) Ол дегенинг? Джангы келин ашарыкъ этерге бек сюеди дергеми излейсе? |
|
|
|
|
|
Акъыллычыкъ
кеб ашайды дейме)) джашыртын кесида)) Айран ичген къутулду, джугъусун джалагъан тутулду)) |
|
|
|
|
|
7km
кеб ашайды дейме)) джашыртын кесида)) эслемегенме келинлерими аллай къылыкъларын...Айран ичген къутулду, джугъусун джалагъан тутулду)) Муну уа тюз айтаса  |
|
|
|
|
|
Акъыллычыкъ
бил, бил, билим къая тешер) билген бла къалмай-сына)) |
|
|
|
|
|
Къар кёб джауса, битим кёб болур
Муну уа джараталмадым. Быйыл къыш бошалыб къалады иги къар тюшмегенлей, сора джай кёгетсизми къалыргъа керекбиз  |
|
|
|
|
|
7км
Уоу, Джети, къайда кёргенсе аллай аштапыр келинчикле  )) тамам аштапЮрле да келинликде сабрларына таш байлайдыла, деб тура эдим)) |
|
|
|
|
|
Чачынгдан отха атсанг - башынг ауруучу болур.
? Чыккырны айран жугъусун жуусанг, юй берекетсиз болады. ? Эки дос адам бир бирини тырнагъын кесселе, араларына кёлкъалдылыкъ тюшер. |
|
|
|
|
|
Рамла
айтамада, киши кермеген сагъатда, ашаучуларыны эки къатын кеблейле)) |
|
|
|
|
|
7km
да игитда кеплерле, стресс жи |
|
|
|
|
|
Салам ! ДЖердешлерим!
 ДЖангы ДЖылыгъыз огъур аякъ бла кирсин юйлеригизге, арбазларыгъызгъа! Ашхы муратларыгъыз къабыл болсунла.!  |
|
|
|
|
|
Кергелен
Салам Биргелей!  |
|
|
|
|
|
Кергелен, салам! Нек кёрюнмейсиз, унутхансыз бизни. Джангы джылда кёбюрек келе турлугъугъузгъа ышанабыз былайгъа!
|
|
|
|
|
|
|
||||
|
|
|
|||
Читают тему (гостей: 9)