- Халкъгъа джарагъан, джарлы къалмаз.
- Тешик этген тынчды, аны джамагъан къыйынды.
- Айтхан сёзюне табылгъан.
- Айтылгъан сёз ызына къайтмаз.
- Татлы сёз – балдан татлы.
- Эл ауузу – элия.
- Зарда марда джокъ.
- Эринчекге кюн узун.
- Аз айтсам, кёб ангылагъыз.
- Магъанасыз сёз – тауушсуз сыбызгъы.
- Эм уллу байлыкъ – джан саулукъ.
- Къая джолда джортма, ачыкъ сёзден къоркъма.
- Къонакъ хазыр болгъанлыкъгъа, къонакъбай хазыр тюлдю.
- Джарашыу сюйген – джалынчакъ.
- Бозаны арты дауур болур.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ата Джуртун танымагъан, атасын да танымаз.
- Къайгъы тюбю – тенгиз.
- Бетинги сатма, малынгы сат.
- Аллахха ийнаннган кишини, Аллах онгдурур ишин.
- Ханнга да келеди хариблик.
- Кёрмегеннге кебек – танг, битмегеннге сакъал – танг.
- Айырылгъанланы айю ашар, бёлюннгенлени бёрю ашар.
- Болджал ишни бёрю ашар.
- Билимден уллу байлыкъ джокъду.
- Ач къалгъандан, кеч къалгъан къолай.
- Бал ашаргъа сюе эсенг, чибин ургъаннга тёз.
- Аманнга игилик этсенг, юйюнге сау бармазса.
- Хунаны тюбюн къазсанг, юсюнге ауар.
- Чомартны къолу берекет.
- Тамбла алтындан бюгюн багъыр ашхы.
- Ашхы адам – халкъ байлыгъы, ашхы джер – джашау байлыгъы.
- Джарлы тюеге минсе да, ит къабар.
- Сютден ауузу кюйген, суугъа юфгюре эди.
- Кёпюр салгъан кеси ётер, уру къазгъан кеси кетер.
- Иши джокъну, сыйы джокъ.
- Ким бла джюрюсенг, аны кёзю бла кёрюнюрсе.
- Таукел адам тау тешер.
- Акъыл къартда, джашда тюйюлдю – башдады.
- Иги – алгъыш этер, аман – къаргъыш этер.
- Юреннген ауруу къалмаз.
- Уллу суу бла уллу ауруудан башынгы сакъла.
- Бал – татлы, балдан да бала – татлы.
- Джюрекге ариу – кёзге да ариу.
- Баш – акъыл ючюн, акъылман – халкъ ючюн.
- Эллинг бла джау болсанг да, юйюнг бла джау болма.
- Рысхы – сют юсюнде кёмюк кибикди.
- Босагъагъа джууукъ орун болса, ашыгъыб тёрге озма.
- Битмегеннге сакъал – танг.
- Эки къатын алгъанны къулагъы тынгнгаймаз.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 1)