- Адамны аманы адамны бети бла ойнар.
- Ёгюзню мюйюзлери ауурлукъ этмейдиле.
- Джырчы джырчыгъа – къарнаш.
- Ач келгенни – тойдур, кеч келгенни – къондур.
- Къан бла кирген, джан бла чыгъар.
- Ашарыкъда сайлагъаннга – чий гырджын.
- Сютню башын джалагъан къутулур, тюбюн ичген тутулур.
- Гыдай эчки суугъа къараб, мюйюзле кёрмесе, джашма алкъын, дегенди.
- Ач – эснер, ат – кишнер.
- Юре билмеген ит, къонакъ келтирир.
- Мадар болса, къадар болур.
- Айранын берсенг, челегин да къызгъанма.
- Ишленмеген джаш – джюгенсиз ат, ишленмеген къыз – тузсуз хант.
- Ариу сёз аурууунгу алыр.
- Джигер – джаннга къыйынлыкъ.
- Сагъыш – къартлыкъгъа сюйюмчю.
- Ким бла джюрюсенг, аны кёзю бла кёрюнюрсе.
- Бир онгсуз адам адет чыгъарды, деб эштирик тюлсе.
- Ётюрюк хапар аякъ тюбю бла джюрюйдю.
- Азыкълы ат арымаз, къатыны аман джарымаз.
- Джангыз торгъай джырламаз.
- Джетген къыз джерли эшекни танымаз.
- Туз, гырджын аша, тюзлюк бла джаша.
- Дууулдаса – бал чибин, къонса – къара чибин.
- Сёз садакъдан кючлюдю.
- Джюрекден джюрекге джол барды.
- Азыкъ аз болса, эртде орун сал.
- Тилчиден кери бол.
- Эте билген, этген этеди, эте билмеген, юретген этеди!
- Ашхы адам – халкъ байлыгъы, ашхы джер – джашау байлыгъы.
- Тамбла алтындан бюгюн багъыр ашхы.
- Хата – гитчеден.
- Татлы тилде – сёз ариу, чемер къолда – иш ариу.
- Махтаннган къыз, тойда джукълар.
- Тил – миллетни джаны.
- Айныгъанлы алты кюн, тогъайгъанлы тогъуз кюн.
- Босагъагъа джууукъ орун болса, ашыгъыб тёрге озма.
- Эрине къаргъыш этген къатын, эрнин къабар.
- Сабийни джумушха джибер да, ызындан бар.
- Джуртун къоругъан озар.
- Насыблы элин сюер, насыбсыз кесин сюер.
- Ачылгъан эт джабылыр, кёрген кёз унутмаз.
- Эки элинги тыйсанг, джети элде махталырса.
- Аманны эки битли тону болур, бирин сеннге кийдирир, бирин кеси киер.
- Эл тойса, тоймагъан, эл къойса, къоймагъан.
- Акъыл неден да кючлюдю.
- Ойнаб айтсанг да, эслеб айт.
- Айраннга суу къош, телиге джол бош.
- Тойгъан джерден туугъан джер игиди.
- Джылар джаш, атасыны сакъалы бла ойнар.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 2)