- Арбаз сайлама да, хоншу сайла.
- Алтыда кюлмеген, алтмышда кюлмез.
- Къошда джокъгъа – юлюш джокъ.
- Ана – юйню кюн джарыгъы.
- Тулпарлыкъ, билекден тюл – джюрекден.
- Ёлген эшек бёрюден къоркъмайды.
- Этим кетсе да, сюегим къалыр.
- Кийим тукъум сордурур.
- Иги адам абынса да, джангылмаз.
- Гитче джилтин уллу элни джандырыр.
- Джылыгъа джылан илешир.
- Ишни ахырын ойламай, аллын башлама.
- Чакъырылмай келген къонакъ сыйланмай кетер.
- Кёкдеги болмаса, джердегин кёрмейди.
- Кесинге джетмегенни, кёб сёлешме.
- Кюн – узун, ёмюр – къысха.
- Биреуню тёрюнден, кесинги эшик артынг игиди.
- Эртде тургъан джылкъычыны эркек аты тай табар.
- Хаухну атма, ёнгкючню сатма.
- Акъыл бла адеб эгизледиле.
- Адам туугъан джеринде, ит тойгъан джеринде.
- Башсыз урчукъ тюзюне айланмаз.
- Тау башында, тау болмаз, джангыз терек, бау болмаз.
- Тик ёргени, тик энгишгеси да болады.
- Мухарны эси – ашарыкъда.
- Сескекли кесин билдирир.
- Дженгил джетерикме деб, узун джолну къоюб, къысхасын барма.
- Намысы джокъну – дуниясы джокъ.
- Суугъа – таянма, джаугъа – ийнанма.
- Эллинг бла джау болсанг да, юйюнг бла джау болма.
- Къуру гыбыт бек дыгъырдар.
- Акъыллы башны – тили къысха.
- Акъыл сабырлыкъ берир.
- Кийиминг бла танылма, адамлыкъ бла таныл.
- Къарны аманнга къазан такъдырма, къолу аманнга от джакъдырма.
- Джаз бир кюнню джатсанг, къыш талай кюнню абынырса.
- Асхат ашлыкъ сата, юйдегиси ачдан къата.
- Босагъа таш юйге кирмей эди, тыбыр таш эшикге чыкъмай эди.
- Эринчекге кюн узун.
- Адамны сабийин сюйген джюреги, бычакъча, джитиди.
- Биреу ашаб къутулур, биреу джалаб тутулур.
- Олтуруб кёрюнмей эди да, ёрге туруб кёрюне эди.
- Къайтырыкъ эшигинги, къаты уруб чыкъма.
- Джиби бир къат джетмей эди да, эки къат тарта эди.
- Тюзню ётмеги тюзде къалса да, тас болмаз.
- Эшекге миннген – биринчи айыб, андан джыгъылгъан – экинчи айыб.
- Аш кетер да бет къалыр.
- Къыйынлы джети элни къайгъысын этер.
- Тойгъан джерден туугъан джер игиди.
- Чалманны аллы къалай башланса, арты да алай барады.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 2)