- Чалманны аллы къалай башланса, арты да алай барады.
- Эл элде бирер малынг болгъандан эсе, бирер тенгинг болсун.
- Накъырданы арты керти болур.
- Тойгъанлыкъ къойгъа джарашады.
- Ачыкъ джюрекге джол – ачыкъ.
- Гитче джилтин уллу элни джандырыр.
- Хар зат кесини орнуна иги.
- Сакъламагъан затынга джолукъсанг, не бек къууанаса, не бек ачыйса.
- Къонакъ аман болса, къонакъбай джунчур
- Ишни аллы бла къууанма да, арты бла къууан.
- Бир абыннган – минг сюрюнюр.
- Ётюрюк хапар аякъ тюбю бла джюрюйдю.
- Кёзню ачылгъаны – иги, ауузну джабылгъаны – иги.
- Аз сёлеш, кёб ишле.
- Ханнга да келеди хариблик.
- Ёзденликни кёбю ётюрюк.
- Аманнга да, игиге да оноусуз къатышма.
- Къарт болгъан джерде, берекет болур, сабий болгъан джерде, оюн болур.
- Ишлемеген – тишлемез.
- Ашыкъгъан cуу, тенгизге джетмез.
- Джангыз торгъай джырламаз.
- Харам къарнашдан, халал тенг ашхы.
- Акъыллы эркиши атын махтар, акъылсыз эркиши къатынын махтар.
- Терслик кетер, тюзлюк джетер.
- Кечеси – аяз, кюню – къыш, джарлы къаргъагъа бир аш тюш!
- Сууда джау джокъ, кёб сёзде магъана джокъ.
- Чомартха хар кюн да байрамды.
- Телини эшигин, махтау джабар.
- Оюмсуз атлагъан, аджалсыз ёлюр.
- Джаш болсун, къыз болсун, акъылы, саны тюз болсун.
- Къартха ушагъан джаш – акъыллы, джашха ушагъан къарт – тели.
- Юйюнг бла джау болгъандан эсе, элинг бла джау бол.
- От этилмеген джерден тютюн чыкъмайды.
- Къая джолда джортма, ачыкъ сёзден къоркъма.
- Эринчекни эр алмаз, эр алса да, кёл салмаз, кёл салса да, кёб бармаз!
- Къыз чыгъаргъан – къызыл къымжа.
- Эм уллу байлыкъ – джан саулукъ.
- Къуллукъчума, деб махтанма, къуллукъ – хаух джамчыды!
- Эллинг бла джау болсанг да, юйюнг бла джау болма.
- Келгинчи, къонакъ уялыр, келгенден сора, къонакъбай уялыр.
- Шекер бла туз – бир болмаз, ушамагъан – юй болмаз.
- Ашхы болсанг, атынг чыгъар, аман болсанг, джанынг чыгъар.
- Кёзю сокъурдан – къоркъма, кёлю сокъурдан – къоркъ.
- Ауругъаннга – кийик саулукъ, джетген къызгъа – чилле джаулукъ.
- Сагъышы джокъ – джукъучу, акъылы джокъ – къаугъачы.
- Этек чакъмакълары баш джаргъан, сёлешген сёзлери таш джаргъан.
- Эл ауузу – элек, анга ийнаннган – халек.
- Бек ашыкъгъан меннге джетсин, дегенди аракъы.
- Арбаз сайлама да, хоншу сайла.
- Рысхы – насыбха къор.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 2)