- Къызны минг тилер, бир алыр.
- Биреуню тёрюнден, кесинги эшик артынг игиди.
- Кёлсюзден сёзсюз тууар.
- Джырына кёре эжиую.
- Соргъан айыб тюлдю, билмеген айыбды.
- Къазанчы аман болса, къазаны къайнамаз.
- Къыйынлы джети элге оноу этер.
- Тели турса – той бузар.
- Джаз бир кюнню джатсанг, къыш талай кюнню абынырса.
- Келинни – келгинчи, бёркню кийгинчи кёр.
- Ёксюзню къалачы уллу кёрюнюр.
- Ашха уста, юйюнде болсун
- Баланы адам этген анады.
- Адам боллукъ, атламындан белгили болур.
- Тойну къарнашы – харс, джырны къарнашы – эжиу.
- Сескекли кесин билдирир.
- Ат басханны джер билед.
- Къонакъ кёб келюучю юйню, къазаны отдан тюшмез.
- Аз сёлешген, къайгъысыз турур.
- Ашхы тенг джолгъа салыр, аман тенг джолдан тайдырыр.
- Юйюнг бла джау болгъандан эсе, элинг бла джау бол.
- Алтыда кюлмеген, алтмышда кюлмез.
- Кёбден умут этиб, аздан къуру къалма.
- Кёл – къызбай, къол – батыр.
- Эр сокъур болсун, къатын тилсиз болсун.
- Джаным-тиним – окъуу, билим.
- Орну джокъну – сыйы джокъ.
- Таукел тауну аудурур.
- Хантына кёре тузу, юйюне кёре къызы.
- Ачны эсинде – аш.
- Азыгъы аз, алгъа къабар, аты аман, алгъа чабар.
- Ишни ахырын ойламай, аллын башлама.
- Этек чакъмакълары баш джаргъан, сёлешген сёзлери таш джаргъан.
- Арпа, будай – ащды, алтын, кюмюш а – ташды.
- Насыблы элин сюер, насыбсыз кесин сюер.
- Къыз келсе, джумуш эте келеди, къатын келсе, ушакъ эте келеди.
- Насыб бютеу халкъны юлюшюдю.
- Кёзден кетген, кёлден да кетеди.
- Къонакъ хазыр болгъанлыкъгъа, къонакъбай хазыр тюлдю.
- Иги адам абынса да, джангылмаз.
- Суугъа – чабакъ, къаягъа – ыргъакъ.
- Ишленмеклик адамлыкъды.
- Эрни эр этерик да, къара джер этерик да, тиширыуду.
- Аджалсыз ёлюм болмаз.
- Тойгъанлыкъ къойгъа джарашады.
- Акъыл бла адеб эгизледиле.
- Къатын байлыкъны сюер, эр саулукъну сюер.
- Джангыз торгъай джырламаз.
- Байлыкъ келсе, акъыл кетер.
- Билим – акъылны чырагъы.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 1)