- Этни бети бла шорпасы.
- Джиби бир къат джетмей эди да, эки къат тарта эди.
- Кийим тукъум сордурур.
- Билим къая тешер.
- Асхат ашлыкъ сата, юйдегиси ачдан къата.
- Тынгылагъан тынгы бузар.
- Тил бла келеди джыр да.
- Дуния мал дунияда къалады.
- Киштикге къанат битсе, чыпчыкъ къалмаз эди.
- Кёбню кёрген – кёб билир.
- Тойгъанлыкъ къойгъа джарашады.
- Тау башында, тау болмаз, джангыз терек, бау болмаз.
- Адам къаллай бир ишленмесе, аллай бир кесин уллу кёреди.
- Душманны тышы – акъ, ичи – къара.
- Кёкдеги болмаса, джердегин кёрмейди.
- Гырджын – тепсини тамадасы.
- Тамчы таш тешер.
- Ётген ёмюр – акъгъан суу.
- Окъуусуз билим – джокъ, билимсиз кюнюнг – джокъ.
- Келгинчи, къонакъ уялыр, келгенден сора, къонакъбай уялыр.
- Тенгинг джокъ эсе – изле, бар эсе – сакъла!
- Бёрю да ач къалмасын, эчки да ашалмасын.
- Ач отунчуну ачыуу – бурнунда.
- Къарын къуру болса, джюрек уру болур.
- Мени джылытмагъан кюн, меннге тиймесин!
- Ёлюр джаннга, ёкюл джокъ.
- Бет бетге къараса, бет да джерге къарар.
- Ёксюзню къалачы уллу кёрюнюр.
- Джигер – джаннга къыйынлыкъ.
- Юйюнг бла джау болгъандан эсе, элинг бла джау бол.
- Айранны сюйген, ийнек тутар.
- Агъач – джерни чырайы, кийим – эрни чырайы.
- Джюрек кёзден алгъа кёрюр.
- Ишлегенден, къарагъан уста.
- Тай асырагъан, атха минер.
- Байны къызы баймакъ болса да, юйде къалмаз!
- Арбаз сайлама да, хоншу сайла.
- Ханы къызы буюгъа-буюгъа киштик болду.
- Иги сеники эсе да, сюйген кесимикин этеме.
- Къонагъынгы артмагъын алма да, алгъышын ал.
- Тёрдеги кюлсе, эшикдеги ышарыр.
- Бозаны арты дауур болур.
- Уллу къазанда бишген эт, чий къалмаз.
- Ёзденликни джайгъан – джокълукъ.
- Акъыл сабырлыкъ берир.
- Джан саулукъ бермей, сан саулукъ бермезсе.
- Хар ишни да аллы къыйынды.
- Булут кёкге джарашыу, уят бетге джарашыу.
- Ишин билген, аны сыйын чыгъарады.
- Тёзген – тёш ашар!
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 2)