- Бал ашаргъа сюе эсенг, чибин ургъаннга тёз.
- Аман адамны тепсинге олтуртсанг, къызынгы тилер.
- Эки къатын алгъанны къулагъы тынгнгаймаз.
- Итли къонакъ джарашмаз.
- Джерни букъусу кёкге къонмаз.
- Берекет берсин деген джерде, берекет болур.
- Ашхы адам – халкъ байлыгъы, ашхы джер – джашау байлыгъы.
- Урунуу – насыбны анасы.
- Къар – келтирди, суу – элтди.
- Суу кетер, таш къалыр.
- Мураты болгъанны джюрек тебюую башхады.
- Аджашханны ызындагъы кёреди, джангылгъанны джанындагъы биледи.
- Джумушакъ сёз къаты таякъны сындырыр.
- Аш иеси бла татлыды.
- Билим – акъылны чырагъы.
- Мал ёлсе, сюек къалыр, адам ёлсе, иши къалыр.
- Телиге акъыл салгъандан эсе, ёлгеннге джан салырса.
- Бозаны арты дауур болур.
- Джюрекге ариу – кёзге да ариу.
- Абынмазлыкъ аякъ джокъ, джангылмазлыкъ джаякъ джокъ.
- Биреуню эскиси биреуге джангы болмайды.
- Зар адамны насыбы болмаз.
- Ишлегенде эринме, ишде чолакъ кёрюнме.
- Кюн кёрмеген, кюн кёрсе, кюндюз чыракъ джандырыр.
- Тамырсыз терекге таянма – джыгъылырса.
- Ёлюк кебинсиз къалмаз.
- Чёбню кёлтюрсенг, тюбюнден сёз чыгъар.
- Ата Джуртун танымагъан, атасын да танымаз.
- Ойнаб айтсанг да, эслеб айт.
- Джылыгъа джылан илешир.
- Окъуу – билимни ачхычы, окъуу – дунияны бачхычы.
- Ётюрюкден тюбю джокъ, кёлтюрюрге джиби джокъ.
- Иги сеники эсе да, сюйген кесимикин этеме.
- Байма, деб да, къууанма, джарлыма, деб да, джылама.
- Джарлыны эшигин махтагъан джабар.
- Джукъу тёшек сайламайды.
- Сангырау къулакъ эл бузар.
- Къонакъ кёб келюучю юйню, къазаны отдан тюшмез.
- Джыйырма къойну юч джыйырма эбзе кюте эди.
- Экиндини кеч къылсанг, чабыб джетер ашхам.
- Ауузу бла къуш тута айланады.
- Рысхы – насыбха къор.
- Босагъагъа джууукъ орун болса, ашыгъыб тёрге озма.
- Ата – билек, ана – джюрек!
- Ашда уялгъан – мухар, ишде уялгъан – хомух.
- Кёзюнде тереги болгъан, чёбю болгъаннга кюле эди.
- Байлыкъдан саулукъ ашхыды.
- Таула не мийик болсала да, аууш табылыр.
- Агъач – джерни чырайы, кийим – эрни чырайы.
- Намысы болмагъанны, сыйы болмаз.
КЕЛИГИЗ ДЖЫРЛАЙЫКЪ
|
Омар Отаровну эски жырларын къалай табсын адам болушугъуз!!!!!
 |
|
|
|
|
|
ХАНГОГУШ
Тамбла Аллах буюрса салыргъа кюреширме  |
|
|
|
|
|
Бек аламат жырла faida сау бол энтда андан арыда излеик!
|
|
|
|
|
|
ХАНГОГУШ
|
|
|
|
|
|
Келигиз бир жырны 2 кере къайтармаиыкъ ."Жерме".
|
|
|
|
|
 ...Узденов Альберт  |
|
|
|
|
 ...Алим Газаев... |
|
|
|
|
 ...Омар Отаров и Алим Газаев... |
|
|
|
|
 ... гр.Учкекен )) |
|
|
|
|
|
|
|
|
|
|
|
"Къарачай"
Ёзденланы Альберт Игинге джюрекден къууана, Булутдан чыкъгъан кюнча джаншай, Мен джырлайма санга ийнана, Тиними Меккясы-Къарачай! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Башха болмай,джюрек джюрюшюм Къагъытха тюшгеннге ушагъан Тауларым-Аллахдан юлюшюм!- Дей,насыбны меннге джашагъан. Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Тынгылайма джарыкъ мыдахлыкъ Джырына къошулгъан Къобаннга. Кёрюмю къырдышын сыларыкъ Аязынг да къууанчды манга! Болмай тот хар чалкъынг,орагъынг Чалсынла бойсуна заманнга! Санларым къошуллукъ топурагъынг Алтындан багъалыды манга! "Хасаука"бла "Умар" джырларынг, Джазылгъанча къараб Къураннга, Кёрню кёрмесин джыр бурагъынг, Чырт бойсунмасын ол заманнга! Джюрегинг къууанчдан джырласын, Джылагъан да керек болгъанда, Чайыры асламдан джыласын Тамызыкъ чырагъынг тыбырда! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Болалсам да уста джюрютген Илкерге учаргъа кемени, Хунангы тешигин бегитген Мен бармакъ ташчыгъынгма сени! Аманынг болгъанда къыйнала, Кючюкню макъамын мурулдай, Мен джырлайма санга ийнана, Насыбсыз насыбым-Къарачай! Байкулов Солтан http://www.youtube.com/watch?v=LchYcGFpW-4&feature =related "Кертиме Антыма " Байкулов Солтан |
|
|
|
|
Читают тему (гостей: 5)