Тик ёргени, тик энгишгеси да болады.
Ауругъаннга – кийик саулукъ, джетген къызгъа – чилле джаулукъ.
Термилгенинги табмазса, кюлгенинге тюберсе.
Арбаз сайлама да, хоншу сайла.
Хар зат кесини орнуна иги.
Аман хансны – урлугъу кёб.
Нарт сёз – тилни бети.
Мал ёлсе, сюек къалыр, адам ёлсе, иши къалыр.
Этни да ашады, бетни да ашады.
Джангызны оту джарыкъ джанмаз!
Элиб деген, элге болушур.
Чомарт къолда мал къалмаз.
Тура эдим джата, къайдан чыкъды хата?
Бир онгсуз адам адет чыгъарды, деб эштирик тюлсе.
Бозаны арты дауур болур.
Ат да турмайды бир териде.
Ашына кёре табагъы, балына кёре къалагъы.
Дуния мал дунияда къалады.
Кёл – къызбай, къол – батыр.
Къарт айтханны этмеген, къартаймаз.
Сютден ауузу кюйген, суугъа юфгюре эди.
Къумурсхала джыйылсала, пилни да джыгъадыла.
Ач уят къоймаз.
Тас болгъан бычакъны сабы – алтын.
Башланнган иш битер, къымылдагъан тиш тюшер.
Окъугъанны бети джарыкъ.
Таула не мийик болсала да, аууш табылыр.
Билген билмегенни юретген адетди.
Сабий кёргенин унутмаз.
Эл бла кёргенинг эрелей.
Тёрде – темир таякълы, къаяда – чыпчыкъ аякълы.
Сёз къанатсыз учар.
Дженгил джетерикме деб, узун джолну къоюб, къысхасын барма.
Сакъламагъан затынга джолукъсанг, не бек къууанаса, не бек ачыйса.
Кёбню кёрген – кёб билир.
Джаралыны джастыгъында сау ёлюр.
Джаз бир кюнню джатсанг, къыш талай кюнню абынырса.
Чомарт къонакъ юй иесин сыйлар.
Эм ашхы къайын ана мамукъ бла башынгы тешер.
Аз сёлешген, къайгъысыз турур.
Ёлмесенг да, къарт дамы болмазса?
Биреуню къыйынлыгъы бла кесинге джол ишлеме.
Ачыкъ джюрекге джол – ачыкъ.
Айраннга суу къош, телиге джол бош.
Ариу – кёзге, акъыл – джюрекге.
Хар сёзню орну барды.
Баш – акъыл ючюн, акъылман – халкъ ючюн.
Зарда марда джокъ.
Ишни ахырын ойламай, аллын башлама.
Мадар болса, къадар болур.
))