Джюрекден джюрекге джол барды.
Нёгерсизни джолу узун.
Экеулен сёлеше тура эселе, орталарына барыб кирме.
Малны кют, джерни тюрт.
Ётюрюкчюню шагъаты – къатында.
Иги – алгъыш этер, аман – къаргъыш этер.
Эл тойса, тоймагъан, эл къойса, къоймагъан.
Сыфатында болмагъаны, суратында болмаз.
Шекер бла туз – бир болмаз, ушамагъан – юй болмаз.
Бозаны арты дауур болур.
Тили узунну, намысы – къысха.
Ауузу бла къуш тута айланады.
Джумушакъ сёз къаты таякъны сындырыр.
Суу да къайтады чыкъгъан джерине.
Уллу айтханны этмеген – уллаймаз.
Ач къарным, тынч къулагъым.
Атлыны кёрсе, джаяуну буту талыр.
Ашда – бёрю, ишде – ёлю.
Джахил болса анасы, не билликди баласы?
Адам боллукъ, атламындан белгили болур.
Къонагъы джокъну – шоху джокъ.
Соргъан айыб тюлдю, билмеген айыбды.
Къонакъ хазыр болгъанлыкъгъа, къонакъбай хазыр тюлдю.
Хар адамгъа кеси миннген тау кибик.
Ашыкъгъан cуу, тенгизге джетмез.
Сабыр джетер муратха, сабырсыз къалыр уятха.
Ашыкъгъанны этеги бутуна чырмалыр.
Кёл – къызбай, къол – батыр.
Адамгъа аман кюн соруб келмейди.
Тенгни тенглиги джашай барсанг билинир.
Биреу ашаб къутулур, биреу джалаб тутулур.
Бек анасы джыламаз.
Ач келгенни – тойдур, кеч келгенни – къондур.
Джырчы джырчыгъа – къарнаш.
Джылыгъа джылан илешир.
Къолунгдан къуймакъ ашатсанг да, атаны борчундан къутулмазса.
Ашаса, ашамаса да, бёрюню ауузу – къан.
Алтыннга тот къонмаз.
Азыкълы ат арымаз, къатыны аман джарымаз.
Уруну арты – къуру.
Бюгюн дуния кибик, тамбла ахыратды.
Кёбню кёрген – кёб билир.
Тамчы таш тешер.
Адеб джокъда, намыс джокъ.
Арыгъан къош чамчы болур.
Ана кёлю – балада, бала кёлю – талада.
Алгъанда – джууукъ, бергенде – джау.
Тенги кёбню джау алмаз, акъылы кёбню дау алмаз.
Ариу – кёзге, акъыл – джюрекге.
Тин – байлыгъынг, терен саулугъунг.
))