Кёб джат да, бек чаб.
Иги адамны бир сёзю эки болмаз.
Борчунг бар эсе, хурджунунга ойлаб узал.
Джаз бир кюнню джатсанг, къыш талай кюнню абынырса.
Ёпкелегенни ашы татлы болады.
Тёрде – темир таякълы, къаяда – чыпчыкъ аякълы.
Тилчи тилден къаныкъмаз.
Ашхы тенг джолгъа салыр, аман тенг джолдан тайдырыр.
Ауурну тюбю бла, дженгилни башы бла джюрюген.
Ётюрюкню къуйругъу – бир тутум.
Халкъгъа джарагъан, джарлы къалмаз.
Къалгъан ишге къар джауар.
Эм уллу байлыкъ – джан саулукъ.
Къонагъынгы артмагъын алма да, алгъышын ал.
Ышармагъан – кюлмез, кюлмеген – къууанчны билмез.
Къанны къан бла джуума, аманны аман бла къуума.
Рысхысына кёре, джаш ёсер, къышлыгъына кёре, мал ёсер.
Окъумагъан сокъурду, сокъур ташха абыныр!
Ата Джуртуму башы болмасам да, босагъасында ташы болайым.
Орну джокъну – сыйы джокъ.
Къошда джокъгъа – юлюш джокъ.
Къарнынг тойгъунчу аша да, белинг талгъынчы ишле.
Уллу сёзде уят джокъ.
Иги – алгъыш этер, аман – къаргъыш этер.
Ана – юйню кюн джарыгъы.
Юре билмеген ит, къонакъ келтирир.
Кёл – къызбай, къол – батыр.
Ётген ёмюр – акъгъан суу.
Ашына кёре табагъы, балына кёре къалагъы.
Башсыз урчукъ тюзюне айланмаз.
Гитче джилтин уллу элни джандырыр.
Алма терегинден кери кетмез.
Ач къарным, тынч къулагъым.
Ханнга да келеди хариблик.
Намыс болмагъан джерде, насыб болмаз.
Хаухну атма, ёнгкючню сатма.
Тил джюрекге джол ишлейди.
Чыбыкълыкъда бюгюлмеген, къазыкълыкъда бюгюлмей эди.
Дженгил джетерикме деб, узун джолну къоюб, къысхасын барма.
Эм ашхы къайын ана мамукъ бла башынгы тешер.
Аман адамны тепсинге олтуртсанг, къызынгы тилер.
Сютден ауузу кюйген, суугъа юфгюре эди.
Этни да ашады, бетни да ашады.
Кийиминг бла танылма, адамлыкъ бла таныл.
Кийимни бичсенг, кенг бич, тар этген къыйын тюлдю.
Юйюнг бла джау болгъандан эсе, элинг бла джау бол.
Хар сёзню орну барды.
Терек ауса, отунчу – кёб.
Къайгъы тюбю – тенгиз.
Тёзгеннге, джабылгъан эшик ачылыр.
))