Къонагъы джокъну – шоху джокъ.
Къралынгы – душмандан, башынгы от бла суудан сакъла.
Джумушакъ терекни къурт ашар.
Тик ёргени, тик энгишгеси да болады.
Ач, тоймам, дейди, тойгъан, ач болмам, дейди.
Бюгюн дуния кибик, тамбла ахыратды.
Тыш элде солтан болгъандан эсе, кесинги элде олтан болгъан игиди!
Огъурлуну сёзю – суу, огъурсузну сёзю – уу.
Къонакъ хазыр болгъанлыкъгъа, къонакъбай хазыр тюлдю.
Гырджын – тепсини тамадасы.
Адамны сабийин сюйген джюреги, бычакъча, джитиди.
Джауумдан сора, кюн кюйдюрюр, ётюрюкден сора, айыб кюйдюрюр.
Къарт бла баш аша, джаш бла аякъ аша.
Миллетни бойну – базыкъ, аны бла кюрешген – джазыкъ.
Тойгъанлыкъ къойгъа джарашады.
Къарны аманнга къазан такъдырма, къолу аманнга от джакъдырма.
Уллу атлама – абынырса, уллу къабма – къарылырса.
Ханнга да келеди хариблик.
Рысхы – насыбха къор.
Къанны къан бла джуума, аманны аман бла къуума.
Ашарыкъда сайлагъаннга – чий гырджын.
Халкъны джырын джырласанг, халкъ санга эжиу этер.
Джан саулукъ бермей, сан саулукъ бермезсе.
Атадан ёксюз – бир ёксюз, анадан ёксюз – эки ёксюз.
Ёнгкюч къууана барыр, джылай келир.
Сууда джау джокъ, кёб сёзде магъана джокъ.
Билеги кючлю, бирни джыгъар, билими кючлю, мингни джыгъар.
Къарт айтханны этмеген, къартаймаз.
Тил джюрекге джол ишлейди.
Къартны сыйын кёрмеген, къартлыгъында сыйлы болмаз.
Иги джашны ышаны – аз сёлешиб, кёб тынгылар.
Тамбла алтындан бюгюн багъыр ашхы.
Джолда аягъынга сакъ бол, ушакъда тилинге сакъ бол.
Айранын берсенг, челегин да къызгъанма.
Ата Джуртуму башы болмасам да, босагъасында ташы болайым.
Киштикге къанат битсе, чыпчыкъ къалмаз эди.
Ашын ашагъанынгы, башын да сыйла.
Окъдан джара эртде-кеч болса да бителир, сёз джара, ёмюрге къалыр.
Къарнынг тойгъунчу аша да, белинг талгъынчы ишле.
Ётген ёмюр – акъгъан суу.
Джаш болсун, къыз болсун, акъылы, саны тюз болсун.
Бир абыннган – минг сюрюнюр.
Кёб джашагъан – кёб билир.
Азыгъы аз, алгъа къабар, аты аман, алгъа чабар.
Ариу джол аджал келтирмез.
Адамгъа аман кюн соруб келмейди.
Ачлыкъ отха секиртир.
Ашха уста, юйюнде болсун
Ауурну тюбю бла, дженгилни башы бла джюрюген.
Адеб базарда сатылмаз.
))