Эл элде бирер малынг болгъандан эсе, бирер тенгинг болсун.
Агъач – джерни чырайы, кийим – эрни чырайы.
Мураты болгъанны джюрек тебюую башхады.
Аз айтсам, кёб ангылагъыз.
Ашаса, ашамаса да, бёрюню ауузу – къан.
Эл ауузу – элия.
Сыфатында болмагъаны, суратында болмаз.
Элни кючю – эмеген.
Этим кетсе да, сюегим къалыр.
Чомарт бергенин айтмаз.
Джогъун бар этген, барын бал этген.
Къарт айтханны этмеген, къартаймаз.
Сютден ауузу кюйген, суугъа юфгюре эди.
Байлыкъдан саулукъ ашхыды.
Аллахдан тилесенг, кёб тиле.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Суу кетер, таш къалыр.
Ачлыкъда тары гырджын халыуадан татлы.
Тили узунну, намысы – къысха.
Тёрдеги кюлсе, эшикдеги ышарыр.
Джарлы эскисин джамаса, къууаныр.
Аманны эки битли тону болур, бирин сеннге кийдирир, бирин кеси киер.
Хар сёзню орну барды.
Байны оноуу, джарлыгъа джарамаз.
Узун джолну барсанг, бюгюн келирсе, къысха джолну барсанг, тамбла келирсе.
Зар адам ашынгы ашар, кесинги сатар.
Ушамагъан – джукъмаз.
Эркишини аманы тиширыуну джылатыр.
Ойнаб айтсанг да, эслеб айт.
Къыйынлы джети элге оноу этер.
Тау башында, тау болмаз, джангыз терек, бау болмаз.
Юйюнгден чыкъдынг – кюнюнгден чыкъдынг.
Ач къарынны, токъ билмез
Кёзню ачылгъаны – иги, ауузну джабылгъаны – иги.
Джаралыны джастыгъында сау ёлюр.
Тилсиз миллет джокъ болур.
Азыкълы ат арымаз, къатыны аман джарымаз.
Телиге от эт десенг, юйюнге от салыр.
Хатерли къул болур.
Аман къатын алгъан, арыр, иги къатын алгъан джарыр.
Джуртун къоругъан озар.
Онгсузну – джакъла, тенгликни – сакъла.
Къыз тиширыу кеси юйюнде да къонакъды.
Ач отунчуну ачыуу – бурнунда.
Урама да – ёледи, сатама да – келеди.
Эки элинги тыйсанг, джети элде махталырса.
Къызны минг тилер, бир алыр.
Эки ойлашыб, бир сёлешген.
Адеб джокъда, намыс джокъ.
Тенгинг джокъ эсе – изле, бар эсе – сакъла!
это мои любимые друзья)))