Экеу тутушса, биреу джыгъылыр.
Харам къарнашдан, халал тенг ашхы.
Бети къызарыучу адамны, джюреги харам болмаз.
Къарыусузгъа кюлме, онгсузгъа тийме.
Къууут – джелге, берне – бошха.
Иги болса, тамадама – махтау, аман болса, меннге – айыб.
Джогъун бар этген, барын бал этген.
Зар адамны насыбы болмаз.
Ат басханны джер билед.
Ойнай билмеген, уруб къачар.
Атлыны ашхысы, ат тизгининден билинир
Кийимни бир кюнню аясанг, минг кюннге джарар.
Татлы сёз – балдан татлы.
Хатерли къул болур.
Къанны къан бла джуума, аманны аман бла къуума.
Джерни букъусу кёкге къонмаз.
Сютню башын джалагъан къутулур, тюбюн ичген тутулур.
Ишге юренсин къоллары, халкъ бла болсун джоллары.
Орну джокъну – сыйы джокъ.
Насыб бютеу халкъны юлюшюдю.
Эртде тургъан бла эртде юйленнген сокъуранмаз.
Азыгъы аз, алгъа къабар, аты аман, алгъа чабар.
Арпа, будай – ащды, алтын, кюмюш а – ташды.
Билген билмегенни юретген адетди.
Эки ойлашыб, бир сёлешген.
Адамны артындан къара сабан сюрме.
Джетген къыз джерли эшекни танымаз.
Огъурлуну сёзю – суу, огъурсузну сёзю – уу.
Аджашхан тёгерек айланыр.
Таякъ этден ётер, тил сюекден ётер.
Ёмюрлюк шохлукъну джел элтмез.
Хантына кёре тузу, юйюне кёре къызы.
Аман къатын сабий табса, бий болур…
Чакъырылмагъан къонакъ – орунсуз.
Ашхы сёз таш тешер.
Тёрде – темир таякълы, къаяда – чыпчыкъ аякълы.
Илму – джашауну джолу.
Кийиминг бла танылма, адамлыкъ бла таныл.
Ач уят къоймаз.
Ашда – бёрю, ишде – ёлю.
Хазыр ашха – терен къашыкъ.
Кенгеш болса, уруш болмаз.
Агъач халкъгъа алтынды, иссиликге салкъынды.
Эркишиге тары кебек танг кёрюнюр.
Нарт сёз къарт болмаз.
Джумушакъ сёз къаты таякъны сындырыр.
Ёзденликни кёбю ётюрюк.
Ёлмесенг да, къарт дамы болмазса?
Тамбла алтындан бюгюн багъыр ашхы.
Чомартны къолун джокълукъ байлар.
это мои любимые друзья)))