Джуртун къоругъан озар.
Ариу – кёзге, акъыл – джюрекге.
«Ёгюз, джаргъа джууукъ барма, меннге джюк боллукъса», - дегенди эшек.
Бети – къучакълар, джюреги – бычакълар.
Ётюрюкню башын керти кесер.
Ашхы атаны – джашы ашхы, ашхы ананы – къызы ашхы.
Ишге юренсин къоллары, халкъ бла болсун джоллары.
Сормай – алма, чакъырылмай – барма.
Хар зат кесини орнуна иги.
Атлыны кёрсе, джаяуну буту талыр.
Кюн кёрмеген, кюн кёрсе, кюндюз чыракъ джандырыр.
Тилчиден кери бол.
Эртде тургъан бла эртде юйленнген сокъуранмаз.
Адамны сабийин сюйген джюреги, бычакъча, джитиди.
Эте билген, этген этеди, эте билмеген, юретген этеди!
Билмейме деген – бир сёз
Адамны сыфатына къарама, сёзюне къара.
Урунуу – насыбны анасы.
Джылар джаш, атасыны сакъалы бла ойнар.
Ач къарным, тынч къулагъым.
Ач къалгъандан, кеч къалгъан къолай.
Къууут – джелге, берне – бошха.
Тенгинг джокъ эсе – изле, бар эсе – сакъла!
Аджашхан тёгерек айланыр.
Эрни эр этерик да, къара джер этерик да, тиширыуду.
Кёб ант этген, кёб ётюрюк айтыр.
Ач келгенни – тойдур, кеч келгенни – къондур.
Эл бла кёргенинг эрелей.
Ана къойну – балагъа джандет.
Къарт бла баш аша, джаш бла аякъ аша.
Кийиминг бла танылма, адамлыкъ бла таныл.
Къызны минг тилер, бир алыр.
Айран тёгюлсе, джугъусу къалыр.
Баш болса, бёрк табылыр.
Уллу айтханны этмеген – уллаймаз.
Тилчи тилден къаныкъмаз.
Къарт болгъан джерде, берекет болур, сабий болгъан джерде, оюн болур.
Зарда марда джокъ.
Джигер – джаннга къыйынлыкъ.
Аджаллыгъа окъсуз шкок атылыр.
Чомарт къонакъ юй иесин сыйлар.
Таш ата билмеген, башына урур.
Адеб базарда сатылмаз.
Орну джокъну – сыйы джокъ.
Джети тилни билген джети кишиди.
Тил бла келеди джыр да.
Джауумдан сора, кюн кюйдюрюр, ётюрюкден сора, айыб кюйдюрюр.
Ат басханны джер билед.
Ач къарынны, токъ билмез
Кеси юйюмде мен да ханма.
это мои любимые друзья)))