Ачылгъан эт джабылыр, кёрген кёз унутмаз.
Аджашхан тёгерек айланыр.
Бал – татлы, балдан да бала – татлы.
Чомарт къонакъ юй иесин сыйлар.
Туз, гырджын аша, тюзлюк бла джаша.
Ётюрюк хапар аякъ тюбю бла джюрюйдю.
Къонакъ болсанг, ийнакъ бол.
Тёрдеги кюлсе, эшикдеги ышарыр.
Берекет берсин деген джерде, берекет болур.
Ашда уялгъан – мухар, ишде уялгъан – хомух.
Джарлы джети элни сёзюн этер.
Гугук кесини атын айтыб къычыргъанча, мен, мен деб нек тураса?
Ишлегенде эринме, ишде чолакъ кёрюнме.
Къолу уллу – асыу, аягъы уллу – джарсыу.
Халкъны джырын джырласанг, халкъ санга эжиу этер.
Ауругъаннга – кийик саулукъ, джетген къызгъа – чилле джаулукъ.
Къыйынлы джети элге оноу этер.
Оюмсуз атлагъан, аджалсыз ёлюр.
Ётген ёмюр – акъгъан суу.
Айтханы чапыракъдан ётмеген.
Эртде тургъан бла эртде юйленнген сокъуранмаз.
Адам къыйынлыгъын кёлтюрюр, зауукълугъун кёлтюрмез.
Къуллукъчума, деб махтанма, къуллукъ – хаух джамчыды!
Ёлмесенг да, къарт дамы болмазса?
Ашхы адам – халкъ байлыгъы, ашхы джер – джашау байлыгъы.
Эрни эр этерик да, къара джер этерик да, тиширыуду.
Кечеси – аяз, кюню – къыш, джарлы къаргъагъа бир аш тюш!
Эл элде бирер малынг болгъандан эсе, бирер тенгинг болсун.
Алма терегинден кери кетмез.
Сабыр джетер муратха, сабырсыз къалыр уятха.
Хатерли къул болур.
Экиндини кеч къылсанг, чабыб джетер ашхам.
Харам къарнашдан, халал тенг ашхы.
Зарда марда джокъ.
Къайгъыны сюйген, къайгъы табар.
Ашын ашагъанынгы, башын да сыйла.
Накъырда – кертини келечиси.
Телиге от эт десенг, юйюнге от салыр.
Уруну арты – къуру.
Тёгюлген тюгел джыйылмайды.
Эртде тургъан джылкъычыны эркек аты тай табар.
Адеби болмагъан къыз – тузсуз хант.
Акъыл аздырмаз, билим тоздурмаз.
Кийимни бичсенг, кенг бич, тар этген къыйын тюлдю.
Ёзденликни кёбю ётюрюк.
Келгинчи, къонакъ уялыр, келгенден сора, къонакъбай уялыр.
Арыгъан къош чамчы болур.
Асхат ашлыкъ сата, юйдегиси ачдан къата.
Кёл – къызбай, къол – батыр.
Байлыкъ келсе, акъыл кетер.
это мои любимые друзья)))