Кёпюр салгъан кеси ётер, уру къазгъан кеси кетер.
Къазанны башы ачыкъ болса, итге уят керекди.
Джюрекден джюрекге джол барды.
Татлы тилде – сёз ариу, чемер къолда – иш ариу.
Къарнынг тойгъунчу аша да, белинг талгъынчы ишле.
Бек анасы джыламаз.
Гитче джилтин уллу элни джандырыр.
Чомартха хар кюн да байрамды.
Аурууну келиую тынч, кетиую – къыйын.
Кийимни бичсенг, кенг бич, тар этген къыйын тюлдю.
Эрине къаргъыш этген къатын, эрнин къабар.
Ишлерге уял да, ашаргъа табма.
Термилгенинги табмазса, кюлгенинге тюберсе.
Аман адамны тепсинге олтуртсанг, къызынгы тилер.
Баланы адам этген анады.
Аман адам этегингден тутса, кес да къач.
Джаным-тиним – окъуу, билим.
Бал – татлы, балдан да бала – татлы.
Къонакъ болсанг, ийнакъ бол.
Ариу сёзде ауруу джокъ.
Аман адам элни бир-бирине джау этер.
Аман киши кеси юйюнде – къонакъ.
Айтхан сёзюне табылгъан.
Туз, гырджын аша, тюзлюк бла джаша.
Соргъан айыб тюлдю, билмеген айыбды.
От кюйдюрген, сау болса да, тот кюйдюрген, сау болмаз.
Окъумагъан сокъурду, сокъур ташха абыныр!
Сормай – алма, чакъырылмай – барма.
Бир онгсуз адам адет чыгъарды, деб эштирик тюлсе.
Адамны аманы адамны бети бла ойнар.
Башынга джетмегенни сорма.
Къызгъанчдан ычхыныр, мухардан ычхынмаз.
Таякъ этден ётер, тил сюекден ётер.
Атлыны ашхысы, ат тизгининден билинир
Сакъалы текени да бар, мыйыгъы киштикни да бар.
Ата – баланы уясы.
Джашны джигитлиги сорулур, къызны джигерлиги сорулур.
Ойнай билмеген, уруб къачар.
Тиширыусуз юй – отсуз от джагъа.
Тешик этген тынчды, аны джамагъан къыйынды.
Мураты болгъанны джюрек тебюую башхады.
Босагъагъа джууукъ орун болса, ашыгъыб тёрге озма.
Эртде тургъан джылкъычыны эркек аты тай табар.
Узун джолну барсанг, бюгюн келирсе, къысха джолну барсанг, тамбла келирсе.
Къарыусузгъа кюлме, онгсузгъа тийме.
Тёзгеннге, джабылгъан эшик ачылыр.
Ойнай-ойнай кёз чыгъар.
Биреуню тёрюнден, кесинги эшик артынг игиди.
Джарлыны тону джаз битер.
Халкъны джырын джырласанг, халкъ санга эжиу этер.
это мои любимые друзья)))