Тюзню ётмеги тюзде къалса да, тас болмаз.
Таукелге нюр джауар.
Ариу сёз – джаннга азыкъ, аман сёз – башха къазыкъ.
Кёб джашагъан – кёб билир.
Ишлегенден, къарагъан уста.
Окъугъан – асыу, окъумагъан – джарсыу.
Чомартны къолу берекет.
Къонакъ хазыр болгъанлыкъгъа, къонакъбай хазыр тюлдю.
Ашарыкъда сайлагъаннга – чий гырджын.
Аууз сакълагъан – джан сакълар.
Байлыкъ келсе, акъыл кетер.
Булут кёкге джарашыу, уят бетге джарашыу.
Тенгни тенглиги джашай барсанг билинир.
Чабакъ башындан чирийди.
Эркиши – от, тиширыу – суу.
Джарлы эскисин джамаса, къууаныр.
Чомартха хар кюн да байрамды.
Ач отунчуну ачыуу – бурнунда.
Кюл тюбюндеги от кёрюнмейди.
Бал чибинни ургъаны – ачы, балы – татлы.
Ач да бол, токъ да бол – намысынга бек бол.
Ёпкелегенни ашы татлы болады.
Айтылгъан буйрукъ, сёгюлмез
Бир абыннган – минг сюрюнюр.
Къая джолда джортма, ачыкъ сёзден къоркъма.
Эркишини аманы тиширыуну джылатыр.
Биреуню тёрюнден, кесинги эшик артынг игиди.
Болджал ишни бёрю ашар.
Джарашыу сюйген – джалынчакъ.
Джаралыны джастыгъында сау ёлюр.
Минг тенг да азды, бир джау да кёбдю.
Накъырданы арты керти болур.
Тил джюрекге джол ишлейди.
Адам къаллай бир ишленмесе, аллай бир кесин уллу кёреди.
Ишни ахырын ойламай, аллын башлама.
Кютгени беш эчки, сызгъыргъаны уа, джерни джарады.
Ёмюрлюк шохлукъну джел элтмез.
Къызны минг тилер, бир алыр.
Къумурсхала джыйылсала, пилни да джыгъадыла.
Джашлыкъ этмеген, башлыкъ этмез.
Келинин тута билмеген, къул этер, къызын тута билмеген, тул этер.
Юйлю уругъа ит чабмаз.
Джаным-тиним – окъуу, билим.
Артына баргъанны, къатына барма.
Аш кетер да бет къалыр.
Къыз келсе, джумуш эте келеди, къатын келсе, ушакъ эте келеди.
Магъанасыз сёз – тауушсуз сыбызгъы.
Къызбайны юйюне дери сюрсенг, батыр болур.
Киштикге къанат битсе, чыпчыкъ къалмаз эди.
Алма терегинден кери кетмез.
это мои любимые друзья)))