Aдам боллукъ, сыфатындан белгили.
Абынмазлыкъ аякъ джокъ, джангылмазлыкъ джаякъ джокъ.
Байлыкъдан саулукъ ашхыды.
Чыкълы кюнде чыкъмагъан, чыкъса къуру кирмеген.
Эски джаугъа ышанма.
Сакъалы текени да бар, мыйыгъы киштикни да бар.
Кийимни бир кюнню аясанг, минг кюннге джарар.
Къартха ушагъан джаш – акъыллы, джашха ушагъан къарт – тели.
Айырылмаз джууугъунга, унутмаз сёзню айтма.
Аллахдан тилесенг, кёб тиле.
Шайтан алдады, тюзлюк къаргъады.
Аман къатын алгъан, арыр, иги къатын алгъан джарыр.
Чабакъ башындан чирийди.
Джукъу тёшек сайламайды.
Къонакъ аман болса, къонакъбай джунчур
Тиширыусуз юй – отсуз от джагъа.
Ата Джуртуму башы болмасам да, босагъасында ташы болайым.
Къазанны башы ачыкъ болса, итге уят керекди.
Агъач – джерни чырайы, кийим – эрни чырайы.
Хар адамгъа кеси миннген тау кибик.
Игини сыйлагъан адетди.
Окъумагъан сокъурду, сокъур ташха абыныр!
Уллу айтханны этмеген – уллаймаз.
Асхат ашлыкъ сата, юйдегиси ачдан къата.
Тулпарлыкъ, билекден тюл – джюрекден.
Айтылгъан сёз ызына къайтмаз.
Иги адамны бир сёзю эки болмаз.
Хар ишни да аллы къыйынды.
Зарда марда джокъ.
Малны кют, джерни тюрт.
Суу кетер, таш къалыр.
Сакъламагъан затынга джолукъсанг, не бек къууанаса, не бек ачыйса.
Сабий кёргенин унутмаз.
Байма, деб да, къууанма, джарлыма, деб да, джылама.
Ёлген эшек бёрюден къоркъмайды.
Сормай – алма, чакъырылмай – барма.
Уруну арты – къуру.
Шапа кёб болса, аш татымсыз болур.
Биреу ашаб къутулур, биреу джалаб тутулур.
Аманнга да, игиге да оноусуз къатышма.
Тамбла алтындан бюгюн багъыр ашхы.
Эл ауузу – элия.
Арба аугъандан сора, джол кёргюзтюучю кёб болур.
Къарнынг къанлынга кийирир.
Байдан умут эте, джарлыдан ёгюз багъасы къорады.
Ашын ашагъанынгы, башын да сыйла.
Тойгъа барсанг, тоюб бар, эски тонунгу къоюб бар.
Акъыллы айтыр эди, акъылсыз къоймайды.
Джумушакъ сёз къаты таякъны сындырыр.
Бети – къучакълар, джюреги – бычакълар.
