Къуру гыбыт бек дыгъырдар.
Байлыкъ болгъан джерде, тынчлыкъ джокъду.
Бозанг болмагъан джерге, къалагъынгы сукъма.
Аманны тукъумуна къарама, игини тукъумун сорма.
Къызын тута билмеген, тул этер, джашын тута билмеген, къул этер.
Тамчы таш тешер.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къонакъ хазыр болгъанлыкъгъа, къонакъбай хазыр тюлдю.
Этни да ашады, бетни да ашады.
Къууут – джелге, берне – бошха.
Арба аугъандан сора, джол кёргюзтюучю кёб болур.
Биреуню тёрюнден, кесинги эшик артынг игиди.
Хансыз джомакъ болмаз.
Аман къатын сабий табса, бий болур…
Эртде тургъан джылкъычыны эркек аты тай табар.
Таукел адам тау тешер.
Кенгеш болса, уруш болмаз.
Оюмсуз атлагъан, аджалсыз ёлюр.
Окъугъан – асыу, окъумагъан – джарсыу.
Ёмюрлюк шохлукъну джел элтмез.
Огъурлуну сёзю – суу, огъурсузну сёзю – уу.
Мухарны эси – ашарыкъда.
Суу да къайтады чыкъгъан джерине.
Тили узунну, намысы – къысха.
Сабий кёргенин унутмаз.
Адам туугъан джеринде, ит тойгъан джеринде.
Джюрекден джюрекге джол барды.
Сескекли кесин билдирир.
Биреуге кёлтюрген таягъынг, кесинги башынга урур.
Бастасын ашагъан, хантусун да ичер.
Ишге юренсин къоллары, халкъ бла болсун джоллары.
Къонагъы джокъну – шоху джокъ.
Таула не мийик болсала да, аууш табылыр.
Тёрдеги кюлсе, эшикдеги ышарыр.
Сибиртки да сыйлы болду, кюрек да кюнлю болду.
Къобан да къуру да къобханлай турмайды, адам да къуру да патчахлай турмайды.
Борчунг бар эсе, хурджунунга ойлаб узал.
Ана кёлю – балада, бала кёлю – талада.
Эркишиге тары кебек танг кёрюнюр.
Аман адам элни бир-бирине джау этер.
Тил бла келеди джыр да.
Алтыннга тот къонмаз.
Къыз келсе, джумуш эте келеди, къатын келсе, ушакъ эте келеди.
Эки къатын алгъан – эки ташны ортасына башын салгъан.
Аз сёлешген, къайгъысыз турур.
Кёзю сокъурдан – къоркъма, кёлю сокъурдан – къоркъ.
Къартны сыйын кёрмеген, къартлыгъында сыйлы болмаз.
Тил – кесген бычакъ, сёз – атылгъан окъ.
Чакъырылмай келген къонакъ сыйланмай кетер.
Бек анасы джыламаз.
