Джигер – джаннга къыйынлыкъ.
Ашда – бёрю, ишде – ёлю.
Тау башында, тау болмаз, джангыз терек, бау болмаз.
Кёрмегеннге кебек – танг, битмегеннге сакъал – танг.
Ачыкъ джюрекге джол – ачыкъ.
Тойгъа алгъа да барма, тойда артха да къалма.
Юреннген ауруу къалмаз.
Къатыны харакетли болса, эри къымсыз болур.
Аууз сакълагъан – джан сакълар.
Тёрени джагъы джокъ.
Кёб джат да, бек чаб.
Тас болгъан бычакъны сабы – алтын.
Айраннга суу къош, телиге джол бош.
Тешигини къатында, чычхан да батыр болур.
Келинни – келгинчи, бёркню кийгинчи кёр.
Аман къатын алгъан, арыр, иги къатын алгъан джарыр.
Къарнынг ауруса, ауузунгу тый
Этни бети бла шорпасы.
Аш кетер да бет къалыр.
Эм ашхы къайын ана мамукъ бла башынгы тешер.
Тил – миллетни джаны.
Онгсузну – джакъла, тенгликни – сакъла.
Хар адамгъа кеси миннген тау кибик.
Айтханы чапыракъдан ётмеген.
Атадан ёксюз – бир ёксюз, анадан ёксюз – эки ёксюз.
Ач къарным, тынч къулагъым.
Адамны сыфатына къарама, сёзюне къара.
Ашлыкъны арба юйге келтирир, чана базаргъа элтир.
Джырчы ёлсе, джыры къалыр.
Кюл тюбюндеги от кёрюнмейди.
Aдам боллукъ, сыфатындан белгили.
Айныгъанлы алты кюн, тогъайгъанлы тогъуз кюн.
Кийим тукъум сордурур.
Уллу къазанда бишген эт, чий къалмаз.
Аман адамны тепсинге олтуртсанг, къызынгы тилер.
Ишленмеген джаш – джюгенсиз ат, ишленмеген къыз – тузсуз хант.
Ач бёрюге мекям джокъ.
Къыз келсе, джумуш эте келеди, къатын келсе, ушакъ эте келеди.
Бир онгсуз адам адет чыгъарды, деб эштирик тюлсе.
Эрине къаргъыш этген къатын, эрнин къабар.
Джылар джаш, атасыны сакъалы бла ойнар.
Адеб базарда сатылмаз.
Акъыл аздырмаз, билим тоздурмаз.
Намысы болмагъанны, сыйы болмаз.
Къарын къуру болса, джюрек уру болур.
Юйюнгден чыкъдынг – кюнюнгден чыкъдынг.
Кесине оноу эте билмеген, халкъына да эте билмез.
Бетинги сатма, малынгы сат.
Иги адамны бир сёзю эки болмаз.
Кёл – къызбай, къол – батыр.
