Халкъны юйю – туугъан джери.
Кёз – сюйген джерде, къол – ауругъан джерде.
Ач бёрюге мекям джокъ.
Джаз бир кюнню джатсанг, къыш талай кюнню абынырса.
Байлыкъ тауусулур, билим тауусулмаз.
Тюзню ётмеги тюзде къалса да, тас болмаз.
Сангырау къулакъ эл бузар.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Чалманны аллы къалай башланса, арты да алай барады.
Намыс сатылыб алынмайды.
Кимни – тили, тиши онглу, кимни – къолу, иши онглу.
Рысхысына кёре, джаш ёсер, къышлыгъына кёре, мал ёсер.
Тулпарлыкъ, билекден тюл – джюрекден.
Билмейме деген – бир сёз
Ашхы адам – халкъ байлыгъы, ашхы джер – джашау байлыгъы.
Аманны эки битли тону болур, бирин сеннге кийдирир, бирин кеси киер.
Уллу айтханны этмеген – уллаймаз.
Ач – эснер, ат – кишнер.
Телини эшигин, махтау джабар.
Бичгенде ашыкъма, тикгенде ашыкъ.
Адебсиз адам – джюгенсиз ат.
Тамбла алтындан бюгюн багъыр ашхы.
Хар сёзню орну барды.
Ашарыкъда сайлагъаннга – чий гырджын.
Тура эдим джата, къайдан чыкъды хата?
Кёбню кёрген – кёб билир.
Аджалсыз ёлюм болмаз.
Кёл – къызбай, къол – батыр.
Харам къарнашдан, халал тенг ашхы.
Аз сёлешген, къайгъысыз турур.
Хантына кёре тузу, юйюне кёре къызы.
Ёмюрлюк шохлукъну джел элтмез.
Элде адам къалмаса, ит тахтагъа минер.
Кенгеш болса, уруш болмаз.
Олтуруб кёрюнмей эди да, ёрге туруб кёрюне эди.
Ат басханны джер билед.
Тил – миллетни джаны.
От кюйдюрген, сау болса да, тот кюйдюрген, сау болмаз.
Кёбден умут этиб, аздан къуру къалма.
Ариу сёз – къылычдан джити.
Тик ёргени, тик энгишгеси да болады.
Сабыр джетер муратха, сабырсыз къалыр уятха.
Ёзденликни джайгъан – джокълукъ.
Терслик кетер, тюзлюк джетер.
Эллинг бла джау болсанг да, юйюнг бла джау болма.
Келинин тута билмеген, къул этер, къызын тута билмеген, тул этер.
Ёпкелегенни ашы татлы болады.
Сютден ауузу кюйген, суугъа юфгюре эди.
Джигер – джаннга къыйынлыкъ.
Адам сёзге тынгыла, акъыл сёзню ангыла.
