Урама да – ёледи, сатама да – келеди.
Хазыр ашха – терен къашыкъ.
Ашда – бёрю, ишде – ёлю.
Биреуню тёрюнден, кесинги эшик артынг игиди.
Накъырда – кертини келечиси.
Атлыны ашхысы, ат тизгининден билинир
Ариу джол аджал келтирмез.
Тойгъан антын унутур.
Суугъа – таянма, джаугъа – ийнанма.
Аз сёлеш, кёб ишле.
Тура эдим джата, къайдан чыкъды хата?
Джеринден айырылгъан – джети джылар, джуртундан айырылгъан – ёлгюнчю джылар.
Суу ичген шауданынга тюкюрме.
Юй кюйдю да, кюйюз чыкъды, ортасындан тюйюш чыкъды.
Кёкдеги болмаса, джердегин кёрмейди.
Ётюрюкню къуйругъу – бир тутум.
Мухардан ач ычхынмаз.
Къызбайны юйюне дери сюрсенг, батыр болур.
Намыс болмагъан джерде, насыб болмаз.
Эрни эр этерик да, къара джер этерик да, тиширыуду.
Башда акъыл болмаса, эки аякъгъа кюч джетер.
Бет бетге къараса, бет да джерге къарар.
Чыбыкълыкъда бюгюлмеген, къазыкълыкъда бюгюлмей эди.
Джети тилни билген джети кишиди.
Ойнай-ойнай кёз чыгъар.
Къарыусузгъа кюлме, онгсузгъа тийме.
Байдан умут эте, джарлыдан ёгюз багъасы къорады.
Аманны эки битли тону болур, бирин сеннге кийдирир, бирин кеси киер.
Эр абынмай, эл танымаз.
Тойгъанлыкъ къойгъа джарашады.
Кёзден кетген, кёлден да кетеди.
Джукъу тёшек сайламайды.
Ишленмеген джаш – джюгенсиз ат, ишленмеген къыз – тузсуз хант.
Эркишиге тары кебек танг кёрюнюр.
Къарны аманнга къазан такъдырма, къолу аманнга от джакъдырма.
Тюзню ётмеги тюзде къалса да, тас болмаз.
Эртде тургъан джылкъычыны эркек аты тай табар.
Къатын байлыкъны сюер, эр саулукъну сюер.
Кёл – къызбай, къол – батыр.
Кёлю джокъну – джолу джокъ.
Къазанда болса, чолпугъа чыгъар.
Ашаса, ашамаса да, бёрюню ауузу – къан.
Бастасын ашагъан, хантусун да ичер.
Эрине къаргъыш этген къатын, эрнин къабар.
Аман киши кеси юйюнде – къонакъ.
Алтыда кюлмеген, алтмышда кюлмез.
Ариуну – ауруу кёб.
Экеу тутушса, биреу джыгъылыр.
Адам сёзге тынгыла, акъыл сёзню ангыла.
Урунуу – насыбны анасы.
