Адеб джокъда, намыс джокъ.
Таукел адам тау тешер.
Адамны адамлыгъы къыйынлыкъда айгъакъланады.
Ашда уялгъан – мухар, ишде уялгъан – хомух.
Аджашхан тёгерек айланыр.
Къонакъ болсанг, ийнакъ бол.
Кюн кёрмеген, кюн кёрсе, кюндюз чыракъ джандырыр.
Агъач халкъгъа алтынды, иссиликге салкъынды.
Кёб къычыргъандан – къоркъма, тынч олтургъандан – къоркъ.
Бети къызарыучу адамны, джюреги харам болмаз.
Ишлегенден, къарагъан уста.
Келгинчи, къонакъ уялыр, келгенден сора, къонакъбай уялыр.
Къолунгдан къуймакъ ашатсанг да, атаны борчундан къутулмазса.
Ач отунчуну ачыуу – бурнунда.
Ёксюзню тилеги къабыл болур.
Къарны аманнга къазан такъдырма, къолу аманнга от джакъдырма.
Айныгъанлы алты кюн, тогъайгъанлы тогъуз кюн.
Суугъа – чабакъ, къаягъа – ыргъакъ.
Киштикге къанат битсе, чыпчыкъ къалмаз эди.
Айтханы чапыракъдан ётмеген.
Сабий болмагъан джерде, мёлек болмаз.
Мени джылытмагъан кюн, меннге тиймесин!
Илму – джашауну джолу.
Эшекге миннген – биринчи айыб, андан джыгъылгъан – экинчи айыб.
Бермеген къол, алмайды.
Къарт болгъан джерде, берекет болур, сабий болгъан джерде, оюн болур.
Халкъгъа джарагъан, джарлы къалмаз.
Ётюрюкчюню шагъаты – къатында.
Къолу уллу – асыу, аягъы уллу – джарсыу.
От кюйдюрген, сау болса да, тот кюйдюрген, сау болмаз.
Тик ёргени, тик энгишгеси да болады.
Атадан ёксюз – бир ёксюз, анадан ёксюз – эки ёксюз.
Къызгъанчдан ычхыныр, мухардан ычхынмаз.
Игиге айтсанг – билир, аманнга айтсанг – кюлюр.
Кёлю джокъну – джолу джокъ.
Билмегенинги, билгеннге сор.
Бал чибинни ургъаны – ачы, балы – татлы.
Къар – келтирди, суу – элтди.
Тамбла алтындан бюгюн багъыр ашхы.
Байлыкъ тауусулур, билим тауусулмаз.
Битмегеннге сакъал – танг.
Тилсиз миллет джокъ болур.
Ашха уста, юйюнде болсун
Къозулугъунда тоймагъан, къойлугъунда тоймаз.
Ёпкелегенни ашы татлы болады.
Сёз – кюмюш, джыр – алтын.
Ачылгъан эт джабылыр, кёрген кёз унутмаз.
Юре билмеген ит, къонакъ келтирир.
Урунуу – насыбны анасы.
Джеринден айырылгъан – джети джылар, джуртундан айырылгъан – ёлгюнчю джылар.
