Бозанг болмагъан джерге, къалагъынгы сукъма.
Ашатыргъа иш – ашхы, ишлетирге аш – ашхы.
Душманны тышы – акъ, ичи – къара.
Этни да ашады, бетни да ашады.
Аш берме да, къаш бер.
Ариу сёз – джаннга азыкъ, аман сёз – башха къазыкъ.
Нёгер болсанг, тенг бол, тенг болмасанг, кенг бол.
Ишлерге уял да, ашаргъа табма.
«Ма», - дегенни билмесенг, «бер», - дегенни билмезсе.
Тойгъанлыкъ къойгъа джарашады.
Нёгерсизни джолу узун.
Аманнга алтын чыдамаз.
Айранын берсенг, челегин да къызгъанма.
Сабий кёргенин унутмаз.
Аджалсыз ёлюм болмаз.
Тилчи тилден къаныкъмаз.
Ханы къызы буюгъа-буюгъа киштик болду.
Ач бёрюге мекям джокъ.
Башда акъыл болмаса, эки аякъгъа кюч джетер.
Ёлген ийнек сютлю болур.
Къонакъ болсанг, ийнакъ бол.
Дуния малгъа сатылма, кесингден телиге къатылма.
Уллу сёлешме да, уллу къаб.
Халкъны джырын джырласанг, халкъ санга эжиу этер.
Кёл – къызбай, къол – батыр.
Кёпюр салгъан кеси ётер, уру къазгъан кеси кетер.
Бети бедерден, намыс сакълама.
Аджашханны ызындагъы кёреди, джангылгъанны джанындагъы биледи.
Ишлегенден, къарагъан уста.
Джаралыны джастыгъында сау ёлюр.
Бичгенде ашыкъма, тикгенде ашыкъ.
Джырчы джырчыгъа – къарнаш.
Сёз садакъдан кючлюдю.
Огъурлуну сёзю – суу, огъурсузну сёзю – уу.
Урунуу – насыбны анасы.
Ашхы болсанг, атынг чыгъар, аман болсанг, джанынг чыгъар.
Орну джокъну – сыйы джокъ.
Къыз тиширыу кеси юйюнде да къонакъды.
Чыкълы кюнде чыкъмагъан, чыкъса къуру кирмеген.
Къарын къуру болса, джюрек уру болур.
Ёзденликни кёбю ётюрюк.
Ашхылыкъ джерде джатмайды, аманлыкъ суугъа батмайды.
Къонакъ хазыр болгъанлыкъгъа, къонакъбай хазыр тюлдю.
Аманны эки битли тону болур, бирин сеннге кийдирир, бирин кеси киер.
Сёз – кюмюш, джыр – алтын.
Билимли ёлмез, билимсиз кёрмез.
Ишлегенде эринме, ишде чолакъ кёрюнме.
Къайгъыны сюйген, къайгъы табар.
Баргъанынга кёре болур келгенинг.
Джангыз торгъай джырламаз.
