Сёз сёзню айтдырыр.
Аллахха ийнаннган кишини, Аллах онгдурур ишин.
Ашда – бёрю, ишде – ёлю.
Азыкъ аз болса, эртде орун сал.
Эл тойса, тоймагъан, эл къойса, къоймагъан.
Окъуусуз билим – джокъ, билимсиз кюнюнг – джокъ.
Къыз келсе, джумуш эте келеди, къатын келсе, ушакъ эте келеди.
Джетген къыз джерли эшекни танымаз.
Кёл – къызбай, къол – батыр.
Аманны эки битли тону болур, бирин сеннге кийдирир, бирин кеси киер.
Къатыны харакетли болса, эри къымсыз болур.
Алгъанда – джууукъ, бергенде – джау.
Джаш болсун, къыз болсун, акъылы, саны тюз болсун.
Халкъны юйю – туугъан джери.
Шапа кёб болса, аш татымсыз болур.
Ач бёрюге мекям джокъ.
Ат да турмайды бир териде.
Къыз чыгъаргъан – къызыл къымжа.
Мухардан ач ычхынмаз.
Термилгенинги табмазса, кюлгенинге тюберсе.
Акъыллы башны – тили къысха.
Уллу къашыкъ эрин джыртар.
Сормай – алма, чакъырылмай – барма.
Ачылгъан эт джабылыр, кёрген кёз унутмаз.
Джолунга кёре – джюрюшюнг, джагъанга кёре – юлюшюнг.
Къолу уллу – асыу, аягъы уллу – джарсыу.
Къонагъы джокъну – шоху джокъ.
Aдам боллукъ, сыфатындан белгили.
Дуния малгъа сатылма, кесингден телиге къатылма.
Аман къатын сабий табса, бий болур…
Аджашханны ызындагъы кёреди, джангылгъанны джанындагъы биледи.
Билмезни кёзю кёрмез, этмезни къулагъы эшитмез.
Керти сёзге тёре джокъ.
Гугук кесини атын айтыб къычыргъанча, мен, мен деб нек тураса?
Сабыр джетер муратха, сабырсыз къалыр уятха.
Адеб джокъда, намыс джокъ.
Тамчы таш тешер.
Тилчиден кери бол.
Аман киши кеси юйюнде – къонакъ.
Къазанчы аман болса, къазаны къайнамаз.
Байны оноуу, джарлыгъа джарамаз.
Чомартны къолу берекет.
Эрине къаргъыш этген къатын, эрнин къабар.
Чомарт къонакъ юй иесин сыйлар.
Къарны аманнга къазан такъдырма, къолу аманнга от джакъдырма.
Башы ишлегенни, ауузу да ишлер.
Ёгюзню мюйюзюнден тутадыла, адамны сёзюнден тутадыла.
Ёгюзню мюйюзлери ауурлукъ этмейдиле.
Чакъырылмагъан джерге барма, чакъырылгъан джерден къалма.
Рысхысына кёре, джаш ёсер, къышлыгъына кёре, мал ёсер.
