Тамчы таш тешер.
Биреуню къыйынлыгъы бла кесинге джол ишлеме.
Ёпкелегенни ашы татлы болады.
Къобан да къуру да къобханлай турмайды, адам да къуру да патчахлай турмайды.
Намысы болмагъанны, сыйы болмаз.
Кёл ашады да, кеси ашады.
Ашарыкъда сайлагъаннга – чий гырджын.
Тойгъан джерге джети къайт.
Сёз – кюмюш, джыр – алтын.
Рысхы – сют юсюнде кёмюк кибикди.
Тели турса – той бузар.
Джахил болса анасы, не билликди баласы?
Мухар, кеси тойса да, кёзю тоймаз.
Юйюнг бла джау болгъандан эсе, элинг бла джау бол.
Аман къатын сабий табса, бий болур…
Чомарт къонакъ юй иесин сыйлар.
Киштикге къанат битсе, чыпчыкъ къалмаз эди.
Кесине оноу эте билмеген, халкъына да эте билмез.
Юй кюйдю да, кюйюз чыкъды, ортасындан тюйюш чыкъды.
Эки къатын алгъанны къулагъы тынгнгаймаз.
Адам къыйынлыгъын кёлтюрюр, зауукълугъун кёлтюрмез.
Кёзден кетген, кёлден да кетеди.
Эркишини аманы тиширыуну джылатыр.
Арбаз сайлама да, хоншу сайла.
Кёкдеги болмаса, джердегин кёрмейди.
Къалгъан ишге къар джауар.
Чакъырылгъанны аты, чакъырылмагъанны багъасы болур.
Магъанасыз сёз – тауушсуз сыбызгъы.
Соргъан айыб тюлдю, билмеген айыбды.
Эринчекни аурууу – кёб.
Дженгил джетерикме деб, узун джолну къоюб, къысхасын барма.
Акъыл бла адеб эгизледиле.
Мадар болса, къадар болур.
Таугъа чыгъаллыкъ эсенг, тюзде къалма.
Хар зат кесини орнуна иги.
Этим кетсе да, сюегим къалыр.
Билим къая тешер.
Кюн – узун, ёмюр – къысха.
Тойчу джашха къарама, къойчу джашха къара.
Кимни – тили, тиши онглу, кимни – къолу, иши онглу.
Къошда джокъгъа – юлюш джокъ.
Айырылгъанланы айю ашар, бёлюннгенлени бёрю ашар.
Джогъун бар этген, барын бал этген.
Тас болгъан бычакъны сабы – алтын.
Джашны джигитлиги сорулур, къызны джигерлиги сорулур.
Къартны сыйын кёрмеген, къартлыгъында сыйлы болмаз.
Джангызны оту джарыкъ джанмаз!
Ойнай-ойнай кёз чыгъар.
Джыгъылгъанны сырты джерден тоймаз.
Келлик заман – къартлыкъ келтирир, кетген заман – джашлыкъ ёлтюрюр.
