Кёлю джокъну – джолу джокъ.
Азыкълы ат арымаз, къатыны аман джарымаз.
Гугурук къычырмаса да, тангны атары къалмаз.
Джылкъыдан – ат чыгъар, тукъумдан – джаш чыгъар.
Кёпюр салгъан кеси ётер, уру къазгъан кеси кетер.
Тулпарлыкъ, билекден тюл – джюрекден.
Иги джашны ышаны – аз сёлешиб, кёб тынгылар.
Ач къарным, тынч къулагъым.
Таукелге нюр джауар.
Ашхы болсанг, атынг чыгъар, аман болсанг, джанынг чыгъар.
Чакъырылмай келген къонакъ сыйланмай кетер.
Малны кют, джерни тюрт.
Адамны аты башхача, акъылы да башхады.
Джаралыны джастыгъында сау ёлюр.
Къыз тиширыу кеси юйюнде да къонакъды.
Адам къыйынлыгъын кёлтюрюр, зауукълугъун кёлтюрмез.
Атынг аманнга чыкъгъандан эсе, джанынг тамагъынгдан чыкъсын.
Айырылгъанланы айю ашар, бёлюннгенлени бёрю ашар.
Ач къалгъандан, кеч къалгъан къолай.
Тюз сёз баргъан сууну тыяр.
Болджал ишни бёрю ашар.
Кёбню кёрген – кёб билир.
Эшекни не къадар тюйсенг да, ат болмаз.
Терслик кетер, тюзлюк джетер.
Билим – акъылны чырагъы.
Тилде сюек болмаса да, сюек сындырыр.
Мал кёб болса, джууукъ кёб болур.
Иги бла джюрюсенг, джетерсе муратынга, аман бла джюрюсенг, къалырса уятха.
Чакъырылмагъан джерге барма, чакъырылгъан джерден къалма.
Биреуню къыйынлыгъы бла кесинге джол ишлеме.
Шекер бла туз – бир болмаз, ушамагъан – юй болмаз.
Къуллукъчума, деб махтанма, къуллукъ – хаух джамчыды!
Ауурну тюбю бла, дженгилни башы бла джюрюген.
Уясында не кёрсе, учханында аны этер.
Кеси юйюмде мен да ханма.
Байлыкъ тауусулур, билим тауусулмаз.
Бети къызарыучу адамны, джюреги харам болмаз.
Таукел адам тау тешер.
Къыз чыгъаргъан – къызыл къымжа.
Къан бла кирген, джан бла чыгъар.
Башы ишлегенни, ауузу да ишлер.
Адамны сыфатына къарама, сёзюне къара.
Къарнынг ауруса, ауузунгу тый
Акъыллы айтыр эди, акъылсыз къоймайды.
Уруну арты – къуру.
Чабар ат – джетген къыз.
Айран ичген – къутулду, джугъусун джалагъан – тутулду.
Ата Джуртун танымагъан, атасын да танымаз.
Ач бёрюге мекям джокъ.
Бал ашаргъа сюе эсенг, чибин ургъаннга тёз.
