Аллахдан тилесенг, кёб тиле.
Танг атмайма десе да, кюн къоярыкъ тюйюлдю.
Эм уллу байлыкъ – джан саулукъ.
Уясында не кёрсе, учханында аны этер.
Байлыкъ келсе, акъыл кетер.
Тойчу джашха къарама, къойчу джашха къара.
Тойгъан антын унутур.
Сабыр джетер муратха, сабырсыз къалыр уятха.
Кийим тукъум сордурур.
Адамны бетине къарама, адетине къара.
Башда акъыл болмаса, эки аякъгъа кюч джетер.
Суу ичген шауданынга тюкюрме.
Экиндини кеч къылсанг, чабыб джетер ашхам.
Душманны тышы – акъ, ичи – къара.
Джукъу тёшек сайламайды.
Арпа, будай – ащды, алтын, кюмюш а – ташды.
Ашхы атаны – джашы ашхы, ашхы ананы – къызы ашхы.
Этни да ашады, бетни да ашады.
Шекер бла туз – бир болмаз, ушамагъан – юй болмаз.
Ойнай билмеген, уруб къачар.
Ачлыкъда тары гырджын халыуадан татлы.
Ёлген эшек бёрюден къоркъмайды.
Аджаллыгъа окъсуз шкок атылыр.
Илму – джашауну джолу.
Тойгъанлыкъ къойгъа джарашады.
Джыйырма къойну юч джыйырма эбзе кюте эди.
Аджал соруб келмез, келсе, къайтыб кетмез.
Кирсизни – саны таза, халалны – къаны таза.
Къан бла кирген, джан бла чыгъар.
Иги сёз – джаннга азыкъ, аман сёз башха – къазыкъ.
Ауругъанны сау билмез, ач къарынны токъ билмез.
Къатыны харакетли болса, эри къымсыз болур.
Бети къызарыучу адамны, джюреги харам болмаз.
Къазанчы аман болса, къазаны къайнамаз.
Ашда уялгъан – мухар, ишде уялгъан – хомух.
Эл ауузу – элия.
Тас болгъан бычакъны сабы – алтын.
Ата – билек, ана – джюрек!
Юйюнгден чыкъдынг – кюнюнгден чыкъдынг.
Билим насыб берир, билим джолну керир.
Чоюнну башы ачыкъ болса, итге уят керекди.
Мухарны эси – ашарыкъда.
Ата Джуртуму башы болмасам да, босагъасында ташы болайым.
Эрни эр этерик да, къара джер этерик да, тиширыуду.
Иги адам абынса да, джангылмаз.
Аджалсыз ёлюм болмаз.
Аманны тукъумуна къарама, игини тукъумун сорма.
Aдам боллукъ, сыфатындан белгили.
Биреуню эскиси биреуге джангы болмайды.
Джан саулукъ бермей, сан саулукъ бермезсе.
