Джюз элде джюз ёгюзюм болгъандан эсе, джюз джууугъум болсун.
Адебни адебсизден юрен.
Кёбню кёрген – кёб билир.
Иги болса, тамадама – махтау, аман болса, меннге – айыб.
Бермеген къол, алмайды.
Арбаз сайлама да, хоншу сайла.
Биреуге аманлыкъны тилеме да, кесинге ашхылыкъны тиле.
Бал чибинни ургъаны – ачы, балы – татлы.
Халкъны юйю – туугъан джери.
Эл ауузу – элия.
Ёлген ийнек сютлю болур.
Билеги кючлю, бирни джыгъар, билими кючлю, мингни джыгъар.
Хар сёзню орну барды.
Рысхы джалгъанды: келген да этер, кетген да этер.
Джылкъыдан – ат чыгъар, тукъумдан – джаш чыгъар.
Къаллай салам берсенг, аллай джууаб алырса.
Эки элинги тыйсанг, джети элде махталырса.
Кёл – къызбай, къол – батыр.
Ашда уялгъан – мухар, ишде уялгъан – хомух.
Терслик кетер, тюзлюк джетер.
Байлыкъ келсе, акъыл кетер.
Уллу суу бла уллу ауруудан башынгы сакъла.
Адебсиз адам – джюгенсиз ат.
Чарсда алчыны эл кёреди.
Бойнуму джети джерден кессенг да, мен ол ишни этеллик тюлме.
Чабар ат – джетген къыз.
Эте билген, этген этеди, эте билмеген, юретген этеди!
Ариу сёз – къылычдан джити.
Юйюнгден чыкъдынг – кюнюнгден чыкъдынг.
Ётюрюк хапар аякъ тюбю бла джюрюйдю.
Къарнынг тойгъунчу аша да, белинг талгъынчы ишле.
Азыгъы аз, алгъа къабар, аты аман, алгъа чабар.
Чомартны къолу берекет.
Ач къарным, тынч къулагъым.
Бир онгсуз адам адет чыгъарды, деб эштирик тюлсе.
Окъумагъан сокъурду, сокъур ташха абыныр!
Адамны адамлыгъы къыйынлыкъда айгъакъланады.
Окъуу – билимни ачхычы, окъуу – дунияны бачхычы.
Аман къатын сабий табса, бий болур…
Иги бла джюрюсенг, джетерсе муратынга, аман бла джюрюсенг, къалырса уятха.
Ач къалгъандан, кеч къалгъан къолай.
Къуру гыбыт бек дыгъырдар.
Керти сёзге тёре джокъ.
Айран тёгюлсе, джугъусу къалыр.
Байны оноуу, джарлыгъа джарамаз.
Джан саулукъ бермей, сан саулукъ бермезсе.
Кёл ашады да, кеси ашады.
Айраннга суу къош, телиге джол бош.
Акъыл аздырмаз, билим тоздурмаз.
Агъач халкъгъа алтынды, иссиликге салкъынды.
