Ойнай билмеген, оюн бузар.
Тенгни тенглиги джашай барсанг билинир.
Къарнынг бла ёч алма.
Аууздан келген, къолдан келсе, ким да патчах болур эди.
Эте билген, этген этеди, эте билмеген, юретген этеди!
Аман эсирсе, юйюн ояр.
Мухарны эси – ашарыкъда.
Ариу сёз аурууунгу алыр.
Ойнай-ойнай кёз чыгъар.
Джаз бир кюнню джатсанг, къыш талай кюнню абынырса.
Сабыр джетер муратха, сабырсыз къалыр уятха.
Эркишини аманы тиширыуну джылатыр.
Тойгъанлыкъ къойгъа джарашады.
Мадар болса, къадар болур.
Джаш къарыу бла кючлю, къарт акъыл бла кючлю.
Ашхы болсанг, атынг чыгъар, аман болсанг, джанынг чыгъар.
Игини сыйлагъан адетди.
Ана къолу ачытмаз.
Чарсда алчыны эл кёреди.
Ким бла джюрюсенг, аны кёзю бла кёрюнюрсе.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Арпа, будай – ащды, алтын, кюмюш а – ташды.
Эки къатын алгъанны къулагъы тынгнгаймаз.
Къошда джокъгъа – юлюш джокъ.
Акъыл бла адеб эгизледиле.
Сютню башын джалагъан къутулур, тюбюн ичген тутулур.
Ач уят къоймаз.
Илму – джашауну джолу.
Ёлмесенг да, къарт дамы болмазса?
Эллинг бла джау болсанг да, юйюнг бла джау болма.
Чакъырылмагъан джерге барма, чакъырылгъан джерден къалма.
Байны оноуу, джарлыгъа джарамаз.
Босагъагъа джууукъ орун болса, ашыгъыб тёрге озма.
Бал – татлы, балдан да бала – татлы.
Бети – къучакълар, джюреги – бычакълар.
Суу ичген шауданынга тюкюрме.
Садакъачыны джаны – къапчыгъында.
Эртде тургъан бла эртде юйленнген сокъуранмаз.
Чабакъ башындан чирийди.
Окъугъан озар, окъумагъан тозар.
Байлыкъ адамны сокъур этер.
Тиширыусуз юй – отсуз от джагъа.
Аз айтсам, кёб ангылагъыз.
Хантына кёре тузу, юйюне кёре къызы.
Экеулен сёлеше тура эселе, орталарына барыб кирме.
Акъылсызны джууукъгъа алма, акъыллыны кенгнге салма.
Башда акъыл болмаса, эки аякъгъа кюч джетер.
Аллахха ийнаннган кишини, Аллах онгдурур ишин.
Азыкъ аз болса, эртде орун сал.
Этек чакъмакълары баш джаргъан, сёлешген сёзлери таш джаргъан.
