Садакъачыны джаны – къапчыгъында.
Сёз садакъдан кючлюдю.
Билим насыб берир, билим джолну керир.
Аллахдан тилесенг, кёб тиле.
Аз сёлешген, къайгъысыз турур.
Алтыннга тот къонмаз.
Ойнай-ойнай кёз чыгъар.
Джан саулукъ бермей, сан саулукъ бермезсе.
Чомарт бергенин айтмаз.
Адамны бетине къарама, адетине къара.
Ушамагъан – джукъмаз.
Кесинге джетмегенни, кёб сёлешме.
Чомартны къолу берекет.
Суу да къайтады чыкъгъан джерине.
Ёгюзню мюйюзюнден тутадыла, адамны сёзюнден тутадыла.
Эр абынмай, эл танымаз.
Борчунг бар эсе, хурджунунга ойлаб узал.
Къарт болгъан джерде, берекет болур, сабий болгъан джерде, оюн болур.
Сагъышы джокъ – джукъучу, акъылы джокъ – къаугъачы.
Джашынгы кесинг юретмесенг, джашау юретир.
Джашны джигитлиги сорулур, къызны джигерлиги сорулур.
Эринчекни аурууу – кёб.
Ётюрюк хапар аякъ тюбю бла джюрюйдю.
Билеги кючлю, бирни джыгъар, билими кючлю, мингни джыгъар.
Эллинг бла джау болсанг да, юйюнг бла джау болма.
Магъанасыз сёз – тауушсуз сыбызгъы.
Къонакъны къачан кетерин сорма, къачан келлигин сор.
Сабийни джумушха джибер да, ызындан бар.
Кёз – сюйген джерде, къол – ауругъан джерде.
Къалгъан ишге къар джауар.
Адебни адебсизден юрен.
Джюз элде джюз ёгюзюм болгъандан эсе, джюз джууугъум болсун.
Мухарны эси – ашарыкъда.
Экеу тутушса, биреу джыгъылыр.
Ётюрюкчюню шагъаты – къатында.
Эшекни не къадар тюйсенг да, ат болмаз.
Ашлыкъны арба юйге келтирир, чана базаргъа элтир.
Шайтан алдады, тюзлюк къаргъады.
Аш берме да, къаш бер.
Къумурсхала джыйылсала, пилни да джыгъадыла.
Къолу уллу – асыу, аягъы уллу – джарсыу.
Мени джылытмагъан кюн, меннге тиймесин!
Ата Джуртча джер болмаз, туугъан элча эл болмаз.
Этни да ашады, бетни да ашады.
Джыгъылгъанны сырты джерден тоймаз.
Ач келгенни – тойдур, кеч келгенни – къондур.
Джаз бир кюнню джатсанг, къыш талай кюнню абынырса.
Биреуню къыйынлыгъы бла кесинге джол ишлеме.
Аллахха ийнаннган кишини, Аллах онгдурур ишин.
Ёлген эшек бёрюден къоркъмайды.
