Кёз – сюйген джерде, къол – ауругъан джерде.
Ойнай билмеген, оюн бузар.
Кюлме джашха – келир башха.
Чабар ат – джетген къыз.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Уясында не кёрсе, учханында аны этер.
Ариу сёзде ауруу джокъ.
Джашны джигитлиги сорулур, къызны джигерлиги сорулур.
Чомарт къолда мал къалмаз.
Насыблы элин сюер, насыбсыз кесин сюер.
Ауузу аманнга «иги», деме.
Аякъларынгы джууургъанынга кёре узат.
Айныгъанлы алты кюн, тогъайгъанлы тогъуз кюн.
Намысы джокъну – дуниясы джокъ.
Ишлерге уял да, ашаргъа табма.
Кимни – тили, тиши онглу, кимни – къолу, иши онглу.
Къыз келсе, джумуш эте келеди, къатын келсе, ушакъ эте келеди.
Иесиз малны бёрю ашар.
Джаш болсун, къыз болсун, акъылы, саны тюз болсун.
Тойну къарнашы – харс, джырны къарнашы – эжиу.
Биреу ашаб къутулур, биреу джалаб тутулур.
Сабыр джетер муратха, сабырсыз къалыр уятха.
Кирсизни – саны таза, халалны – къаны таза.
Бюгюн дуния кибик, тамбла ахыратды.
Келинин тута билмеген, къул этер, къызын тута билмеген, тул этер.
Тилчи тилден къаныкъмаз.
Джюрекге ариу – кёзге да ариу.
Таш ата билмеген, башына урур.
Сабий кёргенин унутмаз.
Аман эсирсе, юйюн ояр.
Къарнынг бла ёч алма.
Акъылсызны джууукъгъа алма, акъыллыны кенгнге салма.
Тюзлюк шохлукъну бегитир.
Танг атмайма десе да, кюн къоярыкъ тюйюлдю.
Таукел адам тау тешер.
Артына баргъанны, къатына барма.
Чабакъ башындан чирийди.
Тил джюрекге джол ишлейди.
Ариу сёз – джаннга азыкъ, аман сёз – башха къазыкъ.
Элде адам къалмаса, ит тахтагъа минер.
«Ма», - дегенни билмесенг, «бер», - дегенни билмезсе.
Ышармагъан – кюлмез, кюлмеген – къууанчны билмез.
Уллу къашыкъ эрин джыртар.
Аш иеси бла татлыды.
Ашхы тенг джолгъа салыр, аман тенг джолдан тайдырыр.
Ичимден чыкъды хата, къайры барайым сата?
Эр сокъур болсун, къатын тилсиз болсун.
Ишлегенден, къарагъан уста.
Чомарт джарлы болмаз.
Ач бёрюге мекям джокъ.
