Айтхан сёзюне табылгъан.
Джол бла сёзню къыйыры джокъ.
Къая джолда джортма, ачыкъ сёзден къоркъма.
Таш бла ургъанны, аш бла ур.
Хансыз джомакъ болмаз.
Эринчекге кюн узун.
Иги бла джюрюсенг, джетерсе муратынга, аман бла джюрюсенг, къалырса уятха.
Тойгъа барсанг, тоюб бар, эски тонунгу къоюб бар.
Башы джабылгъан челекге, кир тюшмез.
Суугъа – чабакъ, къаягъа – ыргъакъ.
Къуллукъчума, деб махтанма, къуллукъ – хаух джамчыды!
Ауругъаннга – кийик саулукъ, джетген къызгъа – чилле джаулукъ.
Душманны тышы – акъ, ичи – къара.
Джауумдан сора, кюн кюйдюрюр, ётюрюкден сора, айыб кюйдюрюр.
Аманны къуугъан, аманлыкъ табар.
Аурууну келиую тынч, кетиую – къыйын.
Этек чакъмакълары баш джаргъан, сёлешген сёзлери таш джаргъан.
Акъылсызны джууукъгъа алма, акъыллыны кенгнге салма.
Бек ашыкъгъан меннге джетсин, дегенди аракъы.
Ачылгъан эт джабылыр, кёрген кёз унутмаз.
Акъыллы – эл иеси, тели – эл баласы.
Айранын берсенг, челегин да къызгъанма.
Намысы джокъну – дуниясы джокъ.
Азыкълы ат арымаз, къатыны аман джарымаз.
Ата Джуртуму башы болмасам да, босагъасында ташы болайым.
Гырджын – тепсини тамадасы.
Мураты болгъанны джюрек тебюую башхады.
Ашлыкъны арба юйге келтирир, чана базаргъа элтир.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Байны къызы баймакъ болса да, юйде къалмаз!
Азыгъы аз, алгъа къабар, аты аман, алгъа чабар.
Иги болса, тамадама – махтау, аман болса, меннге – айыб.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къарнынг бла ёч алма.
Ишлегенде эринме, ишде чолакъ кёрюнме.
Акъыл бла адеб эгизледиле.
Чабакъгъа акъыл, табагъа тюшсе келеди.
Ишни ахырын ойламай, аллын башлама.
Рысхы – сют юсюнде кёмюк кибикди.
Окъумагъан сокъурду, сокъур ташха абыныр!
Бек анасы джыламаз.
Ханы къызы буюгъа-буюгъа киштик болду.
Ишин билген, аны сыйын чыгъарады.
Садакъачыны джаны – къапчыгъында.
Акъыллы эркиши атын махтар, акъылсыз эркиши къатынын махтар.
Сакъ юйюне сау барыр.
Урунуу – насыбны анасы.
Узун джолну барсанг, бюгюн келирсе, къысха джолну барсанг, тамбла келирсе.
Аш берме да, къаш бер.
Кёзюнде тереги болгъан, чёбю болгъаннга кюле эди.
