Чоюнну башы ачыкъ болса, итге уят керекди.
Адеб этмеген, адеб кёрмез.
Дуния мал дунияда къалады.
Биреуню къыйынлыгъы бла кесинге джол ишлеме.
Тёзген – тёш ашар!
Мухар, кеси тойса да, кёзю тоймаз.
Джашынгы кесинг юретмесенг, джашау юретир.
Алим болгъандан эсе, адам болгъан къыйынды.
Башсыз урчукъ тюзюне айланмаз.
Адам боллукъ, атламындан белгили болур.
Джаханимни кёрмей, джандетге кёл салмазса.
Джыйырма къойну юч джыйырма эбзе кюте эди.
Билимден уллу байлыкъ джокъду.
Тамчы таш тешер.
Джиби бир къат джетмей эди да, эки къат тарта эди.
Айыбны суу бла джууалмазса.
Соргъан айыб тюлдю, билмеген айыбды.
Кёбге таш атма.
Атлыны кёрсе, джаяуну буту талыр.
Къошда джокъгъа – юлюш джокъ.
Тюзлюк шохлукъну бегитир.
Бастасын ашагъан, хантусун да ичер.
Тилде сюек болмаса да, сюек сындырыр.
Аман хансны – урлугъу кёб.
Джырына кёре эжиую.
Джетген къыз джерли эшекни танымаз.
Билим – акъылны чырагъы.
Билмегенинги, билгеннге сор.
Сёз – кюмюш, джыр – алтын.
Нёгер болсанг, тенг бол, тенг болмасанг, кенг бол.
Эски джаугъа ышанма.
Иги адам абынса да, джангылмаз.
Къонагъынгы артмагъын алма да, алгъышын ал.
Огъурлуну сёзю – суу, огъурсузну сёзю – уу.
Акъыллы – эл иеси, тели – эл баласы.
Къанны къан бла джуума, аманны аман бла къуума.
Джогъун бар этген, барын бал этген.
Джашда акъыл джокъ, къартда къарыу джокъ.
Биреуге аманлыкъ этиб, кесинге игилик табмазса.
Тюкюрюк баш джармаз, налат кёз чыгъармаз!
Окъуу – билимни ачхычы, окъуу – дунияны бачхычы.
Къатын къылыкъсыз, эр тынчлыкъсыз.
Тура эдим джата, къайдан чыкъды хата?
Джаш къарыу бла кючлю, къарт акъыл бла кючлю.
Иги джашны ышаны – аз сёлешиб, кёб тынгылар.
Сууда джау джокъ, кёб сёзде магъана джокъ.
Ашда – бёрю, ишде – ёлю.
Джаз бир кюнню джатсанг, къыш талай кюнню абынырса.
Келинни – келгинчи, бёркню кийгинчи кёр.
Адеб базарда сатылмаз.
