Келинин тута билмеген, къул этер, къызын тута билмеген, тул этер.
Алгъанда – джууукъ, бергенде – джау.
Эм ашхы къайын ана мамукъ бла башынгы тешер.
Атлыны ашхысы, ат тизгининден билинир
Бёрю да ач къалмасын, эчки да ашалмасын.
Ётюрюкню къуйругъу – бир тутум.
Ата – баланы уясы.
Иги сёз – джаннга азыкъ, аман сёз башха – къазыкъ.
Тин – байлыгъынг, терен саулугъунг.
Джылар джаш, атасыны сакъалы бла ойнар.
Сабий болмагъан джерде, мёлек болмаз.
Тойгъан джерге джети къайт.
Эртде тургъан джылкъычыны эркек аты тай табар.
Байдан умут эте, джарлыдан ёгюз багъасы къорады.
Эки элинги тыйсанг, джети элде махталырса.
Аман киши кеси юйюнде – къонакъ.
Байны къызы баймакъ болса да, юйде къалмаз!
Уллу къашыкъ эрин джыртар.
Ач келгенни – тойдур, кеч келгенни – къондур.
Суу ичген шауданынга тюкюрме.
Тойгъа барсанг, тоюб бар, эски тонунгу къоюб бар.
Ёгюзню мюйюзлери ауурлукъ этмейдиле.
Телиге акъыл салгъандан эсе, ёлгеннге джан салырса.
Тамырсыз терекге таянма – джыгъылырса.
Тилчи бир сагъатха айлыкъ хата этер.
Эркишиге тары кебек танг кёрюнюр.
Иесиз малны бёрю ашар.
Aдам боллукъ, сыфатындан белгили.
Акъыллы эркиши атын махтар, акъылсыз эркиши къатынын махтар.
Агъач – джерни чырайы, кийим – эрни чырайы.
Акъыл аздырмаз, билим тоздурмаз.
Зар адам ашынгы ашар, кесинги сатар.
Бал ашаргъа сюе эсенг, чибин ургъаннга тёз.
Аман къатын сабий табса, бий болур…
Къыз чыгъаргъан – къызыл къымжа.
Джыланны къуйругъундан басарынг келсе, аны башы болгъанын унутма.
Термилгенинги табмазса, кюлгенинге тюберсе.
Чакъырылмагъан къонакъ – орунсуз.
Атадан ёксюз – бир ёксюз, анадан ёксюз – эки ёксюз.
Арпа, будай – ащды, алтын, кюмюш а – ташды.
Аджаллыгъа окъсуз шкок атылыр.
Биреуге кёлтюрген таягъынг, кесинги башынга урур.
Башынга джетмегенни сорма.
Суу да къайтады чыкъгъан джерине.
Тиширыусуз юй – отсуз от джагъа.
Ашын ашагъанынгы, башын да сыйла.
Таш ата билмеген, башына урур.
Къатын байлыкъны сюер, эр саулукъну сюер.
Тойгъандан сора, ашны сёкме.
Сыфатында болмагъаны, суратында болмаз.
