Юреннген ауруу къалмаз.
Кийимни бир кюнню аясанг, минг кюннге джарар.
Тюзлюк шохлукъну бегитир.
Акъыл аздырмаз, билим тоздурмаз.
Ариу сёз – къылычдан джити.
Тилсиз миллет джокъ болур.
Эркишиге тары кебек танг кёрюнюр.
Айырылгъанланы айю ашар, бёлюннгенлени бёрю ашар.
Азыкъ аз болса, эртде орун сал.
Къая джолда джортма, ачыкъ сёзден къоркъма.
Къарнынг къанлынга кийирир.
Къошда джокъгъа – юлюш джокъ.
Айранын берсенг, челегин да къызгъанма.
Чомартха хар кюн да байрамды.
Ашыкъгъан cуу, тенгизге джетмез.
Атынг аманнга чыкъгъандан эсе, джанынг тамагъынгдан чыкъсын.
Ана къойну – балагъа джандет.
Джюрекге ариу – кёзге да ариу.
Дуния мал дунияда къалады.
Къарыусузгъа кюлме, онгсузгъа тийме.
Этим кетсе да, сюегим къалыр.
Айтхан – тынч, этген – къыйын.
Кюн – узун, ёмюр – къысха.
Махтаннган къыз, тойда джукълар.
Аууздан келген, къолдан келсе, ким да патчах болур эди.
Ачыу алгъа келсе, акъыл артха къалады.
Сагъышы джокъ – джукъучу, акъылы джокъ – къаугъачы.
Дууулдаса – бал чибин, къонса – къара чибин.
Тойгъа барсанг, тоюб бар, эски тонунгу къоюб бар.
Башланнган иш битер, къымылдагъан тиш тюшер.
Накъырда – кертини келечиси.
Къонакъ кёб келюучю юйню, къазаны отдан тюшмез.
Ана – юйню кюн джарыгъы.
Къартны сыйын кёрмеген, къартлыгъында сыйлы болмаз.
Тил – кесген бычакъ, сёз – атылгъан окъ.
Адебсиз адам – джюгенсиз ат.
Эртде тургъан джылкъычыны эркек аты тай табар.
Джырчы ёлсе, джыры къалыр.
Къан бла кирген, джан бла чыгъар.
Биреуню эскиси биреуге джангы болмайды.
Джиби бир къат джетмей эди да, эки къат тарта эди.
Къоркъакъны кёзю экили кёрюр.
Джашны джигитлиги сорулур, къызны джигерлиги сорулур.
Битмегеннге сакъал – танг.
От этилмеген джерден тютюн чыкъмайды.
Соргъан айыб тюлдю, билмеген айыбды.
Ашхылыкъ джерде джатмайды, аманлыкъ суугъа батмайды.
Этни бети бла шорпасы.
Эринчекге кюн узун.
Аш иеси бла татлыды.
