Аман адам этегингден тутса, кес да къач.
Терек ауса, отунчу – кёб.
Тас болгъан бычакъны сабы – алтын.
Ариу сёзде ауруу джокъ.
Арбаз къынгырды да, ийнек сауалмайма.
Къолунгдан къуймакъ ашатсанг да, атаны борчундан къутулмазса.
Баш – акъыл ючюн, акъылман – халкъ ючюн.
Къайгъы тюбю – тенгиз.
Керилген да, ургъан кибикди.
Джарлы джети элни сёзюн этер.
Алтыда кюлмеген, алтмышда кюлмез.
Джауумдан сора, кюн кюйдюрюр, ётюрюкден сора, айыб кюйдюрюр.
Чабар ат – джетген къыз.
Акъдан къара болмаз.
Ашын ашагъанынгы, башын да сыйла.
Ишни аллы бла къууанма да, арты бла къууан.
Азыгъы аз, алгъа къабар, аты аман, алгъа чабар.
Билмегенинги, билгеннге сор.
Джолда аягъынга сакъ бол, ушакъда тилинге сакъ бол.
Ётюрюкден тюбю джокъ, кёлтюрюрге джиби джокъ.
Босагъагъа джууукъ орун болса, ашыгъыб тёрге озма.
Ата – билек, ана – джюрек!
Эки къатын алгъанны къулагъы тынгнгаймаз.
Чарсда алчыны эл кёреди.
Аманны тукъумуна къарама, игини тукъумун сорма.
Айран тёгюлсе, джугъусу къалыр.
Джаханимни кёрмей, джандетге кёл салмазса.
Бетинги сатма, малынгы сат.
Ашхы тенг джолгъа салыр, аман тенг джолдан тайдырыр.
Чакъырылмагъан къонакъ – орунсуз.
Ауругъанны сау билмез, ач къарынны токъ билмез.
Ана къолу ачытмаз.
Уллу къазанда бишген эт, чий къалмаз.
Тилчи тилден къаныкъмаз.
Таула не мийик болсала да, аууш табылыр.
Эшекге миннген – биринчи айыб, андан джыгъылгъан – экинчи айыб.
Къонакъ аман болса, къонакъбай джунчур
Атынг аманнга чыкъгъандан эсе, джанынг тамагъынгдан чыкъсын.
Атлыны ашхысы, ат тизгининден билинир
Айныгъанлы алты кюн, тогъайгъанлы тогъуз кюн.
Эр абынмай, эл танымаз.
Ауузу бла къуш тута айланады.
Джашда акъыл джокъ, къартда къарыу джокъ.
Байлыкъ келсе, акъыл кетер.
Ач – эснер, ат – кишнер.
Накъырданы арты керти болур.
Ёзденликни кёбю ётюрюк.
Бал ашаргъа сюе эсенг, чибин ургъаннга тёз.
Къатыны харакетли болса, эри къымсыз болур.
Сабыр джетер муратха, сабырсыз къалыр уятха.
