Тели турса – той бузар.
Юй кюйдю да, кюйюз чыкъды, ортасындан тюйюш чыкъды.
Ёлюк кебинсиз къалмаз.
Чомартны къолун джокълукъ байлар.
Аджал соруб келмез, келсе, къайтыб кетмез.
Къарт бла баш аша, джаш бла аякъ аша.
Тенгинг джокъ эсе – изле, бар эсе – сакъла!
Элде адам къалмаса, ит тахтагъа минер.
Кийимни бичсенг, кенг бич, тар этген къыйын тюлдю.
Къарт айтханны этмеген, къартаймаз.
Тойну къарнашы – харс, джырны къарнашы – эжиу.
Ач къалгъандан, кеч къалгъан къолай.
Тау башында, тау болмаз, джангыз терек, бау болмаз.
Аууз сакълагъан – джан сакълар.
Чомартха Тейри да борчлуду.
Орундукъ тюбюнде атылсам да, орта джиликме, де да айлан.
Юй ишлеген балта эшикде къалыр.
Биреуге аманлыкъ этиб, кесинге игилик табмазса.
Айтханы чапыракъдан ётмеген.
Ишлегенде эринме, ишде чолакъ кёрюнме.
Тойгъан джерге джети къайт.
От кюйдюрген, сау болса да, тот кюйдюрген, сау болмаз.
Аллахха ийнаннган кишини, Аллах онгдурур ишин.
Ариу – кёзге, акъыл – джюрекге.
Ауругъаннга – кийик саулукъ, джетген къызгъа – чилле джаулукъ.
Дуния аламаты сен эсенг да, игиме деб айтма.
Уясында не кёрсе, учханында аны этер.
Ашхы болсанг, атынг чыгъар, аман болсанг, джанынг чыгъар.
Иги сёз – джаннга азыкъ, аман сёз башха – къазыкъ.
Джашлыкъ этмеген, башлыкъ этмез.
Кёб джашагъан – кёб билир.
Джюрекден джюрекге джол барды.
Адамны сыфатына къарама, сёзюне къара.
Ариуну – ауруу кёб.
Дуния мал дунияда къалады.
Баш болса, бёрк табылыр.
Бети – къучакълар, джюреги – бычакълар.
Сууда джау джокъ, кёб сёзде магъана джокъ.
Терек ауса, отунчу – кёб.
Окъуусуз билим – джокъ, билимсиз кюнюнг – джокъ.
Экиндини кеч къылсанг, чабыб джетер ашхам.
Тас болгъан бычакъны сабы – алтын.
Джангыз торгъай джырламаз.
Билими азны – ауузунда кирит.
Насыблы элин сюер, насыбсыз кесин сюер.
Юреннген ауруу къалмаз.
Чыбыкълыкъда бюгюлмеген, къазыкълыкъда бюгюлмей эди.
Накъырданы арты керти болур.
Тулпарлыкъ, билекден тюл – джюрекден.
Кёзю сокъурдан – къоркъма, кёлю сокъурдан – къоркъ.
