Алтыннга тот къонмаз.
Чёбню кёлтюрсенг, тюбюнден сёз чыгъар.
Асхат ашлыкъ сата, юйдегиси ачдан къата.
Аджашхан тёгерек айланыр.
«Ёгюз, джаргъа джууукъ барма, меннге джюк боллукъса», - дегенди эшек.
Орундукъ тюбюнде атылсам да, орта джиликме, де да айлан.
Баргъанынга кёре болур келгенинг.
Адеб джокъда, намыс джокъ.
Аякъларынгы джууургъанынга кёре узат.
Аууздан келген, къолдан келсе, ким да патчах болур эди.
Чомарт къонакъ юй иесин сыйлар.
Атадан ёксюз – бир ёксюз, анадан ёксюз – эки ёксюз.
Джахил болса анасы, не билликди баласы?
Аджал соруб келмез, келсе, къайтыб кетмез.
Байны оноуу, джарлыгъа джарамаз.
Джан саулукъ бермей, сан саулукъ бермезсе.
Биреуню тёрюнден, кесинги эшик артынг игиди.
Айырылмаз джууугъунга, унутмаз сёзню айтма.
Ёзденликни джайгъан – джокълукъ.
Билим ат болуб да чабар, къуш болуб да учар.
Джумушакъ сёз къаты таякъны сындырыр.
Уясында не кёрсе, учханында аны этер.
Эки ойлашыб, бир сёлешген.
Къартны бурнун сюрт да, оноугъа тут.
Чыбыкълыкъда бюгюлмеген, къазыкълыкъда бюгюлмей эди.
Таш бла ургъанны, аш бла ур.
Джюрекге ариу – кёзге да ариу.
Эркишиге тары кебек танг кёрюнюр.
Ач къалгъандан, кеч къалгъан къолай.
Биреу ашаб къутулур, биреу джалаб тутулур.
Хоншуну тауугъу къаз кёрюнюр, келини къыз кёрюнюр.
Ушамагъан – джукъмаз.
Сёз садакъдан кючлюдю.
Башы ишлегенни, ауузу да ишлер.
Арбаз къынгырды да, ийнек сауалмайма.
Ашлыкъны арба юйге келтирир, чана базаргъа элтир.
Ат басханны джер билед.
Олтуруб кёрюнмей эди да, ёрге туруб кёрюне эди.
Накъырданы арты керти болур.
Биреу къой излей, биреу той излей.
Адам бла мюлк юлешмеген эсенг, ол адамны билиб бошагъанма, деб кесинги алдама.
Аманны тукъумуна къарама, игини тукъумун сорма.
Азыгъы аз, алгъа къабар, аты аман, алгъа чабар.
Билим къая тешер.
Къозулугъунда тоймагъан, къойлугъунда тоймаз.
Урунуу – насыбны анасы.
Байдан умут эте, джарлыдан ёгюз багъасы къорады.
Кёрмегеннге кебек – танг, битмегеннге сакъал – танг.
Узун джолну барсанг, бюгюн келирсе, къысха джолну барсанг, тамбла келирсе.
Хатерли къул болур.
