Ана къойну – балагъа джандет.
Кечеси – аяз, кюню – къыш, джарлы къаргъагъа бир аш тюш!
Ётюрюкден тюбю джокъ, кёлтюрюрге джиби джокъ.
Кёкдеги болмаса, джердегин кёрмейди.
Джолунга кёре – джюрюшюнг, джагъанга кёре – юлюшюнг.
Тин – байлыгъынг, терен саулугъунг.
Иги адамны бир сёзю эки болмаз.
Кёзюнде тереги болгъан, чёбю болгъаннга кюле эди.
Къазанчы аман болса, къазаны къайнамаз.
Къалгъан ишге къар джауар.
Ач, тоймам, дейди, тойгъан, ач болмам, дейди.
Кёл – къызбай, къол – батыр.
Акъыллы эркиши атын махтар, акъылсыз эркиши къатынын махтар.
Кёзю сокъурдан – къоркъма, кёлю сокъурдан – къоркъ.
Сангырау къулакъ эл бузар.
Ашарыкъда сайлагъаннга – чий гырджын.
Джаханимни кёрмей, джандетге кёл салмазса.
Байны оноуу, джарлыгъа джарамаз.
Эл бла кёргенинг эрелей.
Эки ойлашыб, бир сёлешген.
Аман къатын сабий табса, бий болур…
Иги болса, тамадама – махтау, аман болса, меннге – айыб.
Къартны сыйын кёрмеген, къартлыгъында сыйлы болмаз.
Этек чакъмакълары баш джаргъан, сёлешген сёзлери таш джаргъан.
Алтыда кюлмеген, алтмышда кюлмез.
Ауругъанны сау билмез, ач къарынны токъ билмез.
«Ма», - дегенни билмесенг, «бер», - дегенни билмезсе.
Чабакъ башындан чирийди.
Аякъларынгы джууургъанынга кёре узат.
Сакъламагъан затынга джолукъсанг, не бек къууанаса, не бек ачыйса.
Ата Джуртча джер болмаз, туугъан элча эл болмаз.
Кёл ашады да, кеси ашады.
Адамны джюреги нени кёрюрге сюйсе, кёзю да аны кёрюрге ёч болады.
Ач – эснер, ат – кишнер.
Къая джолда джортма, ачыкъ сёзден къоркъма.
Келлик заман – къартлыкъ келтирир, кетген заман – джашлыкъ ёлтюрюр.
Биреуге аманлыкъны тилеме да, кесинге ашхылыкъны тиле.
Сакъалы текени да бар, мыйыгъы киштикни да бар.
Таукел къуру къалмаз.
Ашхылыкъ джерде джатмайды, аманлыкъ суугъа батмайды.
Кёб джат да, бек чаб.
Ушамагъан – джукъмаз.
Алгъанда – джууукъ, бергенде – джау.
Тура эдим джата, къайдан чыкъды хата?
Абынмазлыкъ аякъ джокъ, джангылмазлыкъ джаякъ джокъ.
Юреннген ауруу къалмаз.
Арыгъан къош чамчы болур.
Бети бедерден, намыс сакълама.
Джарлыны эшигин махтагъан джабар.
Юй кюйдю да, кюйюз чыкъды, ортасындан тюйюш чыкъды.
))