Таула не мийик болсала да, аууш табылыр.
От этилмеген джерден тютюн чыкъмайды.
Джарлыны эшигин махтагъан джабар.
Гырджын – тепсини тамадасы.
Мен да «сен», дейме, сен да «кесим», дейсе.
Тойгъан джерден туугъан джер игиди.
Ач уят къоймаз.
Дуния мал дунияда къалады.
Аман хансны – урлугъу кёб.
Тойгъан джерге джети къайт.
Джол бла сёзню къыйыры джокъ.
Ауузу бла къуш тута айланады.
Эртде тургъан джылкъычыны эркек аты тай табар.
Эки элинги тыйсанг, джети элде махталырса.
Акъыл сабырлыкъ берир.
Тешигини къатында, чычхан да батыр болур.
Къулакъдан эсе, кёзге ышан.
Намысы болмагъанны, сыйы болмаз.
Джылар джаш, атасыны сакъалы бла ойнар.
Адамны адамлыгъы къыйынлыкъда айгъакъланады.
Аз сёлешген, къайгъысыз турур.
Эринчекни эр алмаз, эр алса да, кёл салмаз, кёл салса да, кёб бармаз!
Ашхы болсанг, атынг чыгъар, аман болсанг, джанынг чыгъар.
Аджашхан тёгерек айланыр.
Чакъырылмагъан джерге барма, чакъырылгъан джерден къалма.
Къазанда болса, чолпугъа чыгъар.
Тилде сюек болмаса да, сюек сындырыр.
Арбаз къынгырды да, ийнек сауалмайма.
Артына баргъанны, къатына барма.
Акъыл къартда, джашда тюйюлдю – башдады.
Айыбны суу бла джууалмазса.
Эл тойса, тоймагъан, эл къойса, къоймагъан.
Къонакъ кёб келюучю юйню, къазаны отдан тюшмез.
Джылкъыдан – ат чыгъар, тукъумдан – джаш чыгъар.
Кийимни бичсенг, кенг бич, тар этген къыйын тюлдю.
Окъугъанны бети джарыкъ.
Телини эшигин, махтау джабар.
Тик ёргени, тик энгишгеси да болады.
Кёпюр салгъан кеси ётер, уру къазгъан кеси кетер.
Рысхы джалгъанды: келген да этер, кетген да этер.
Тас болгъан бычакъны сабы – алтын.
Ётюрюкден тюбю джокъ, кёлтюрюрге джиби джокъ.
Хар ишни да аллы къыйынды.
Ёксюзню къалачы уллу кёрюнюр.
Адамны бетине къарама, адетине къара.
Байлыкъдан саулукъ ашхыды.
Уясында не кёрсе, учханында аны этер.
Адеб базарда сатылмаз.
Акъыллы айтыр эди, акъылсыз къоймайды.
Болджал ишни бёрю ашар.
))