Къонакъ аз олтурур, кёб сынар.
Махтаннган къыз, тойда джукълар.
Чабакъгъа акъыл, табагъа тюшсе келеди.
Аш хазыр болса, иш харам болур.
Адам къаллай бир ишленмесе, аллай бир кесин уллу кёреди.
Тау башында, тау болмаз, джангыз терек, бау болмаз.
Ётюрюкден тюбю джокъ, кёлтюрюрге джиби джокъ.
Сормай – алма, чакъырылмай – барма.
Ёлюк кебинсиз къалмаз.
Сабийни джумушха джибер да, ызындан бар.
Ариу сёз – къылычдан джити.
Нёгер болсанг, тенг бол, тенг болмасанг, кенг бол.
Хантына кёре тузу, юйюне кёре къызы.
Эки ойлашыб, бир сёлешген.
Берекет берсин деген джерде, берекет болур.
Чомарт къолда мал къалмаз.
Тас болгъан бычакъны сабы – алтын.
Билим насыб берир, билим джолну керир.
Джумушакъ терекни къурт ашар.
Айтылгъан буйрукъ, сёгюлмез
Джукъу тёшек сайламайды.
Ёлюр джаннга, ёкюл джокъ.
Хатерли къул болур.
Бал ашаргъа сюе эсенг, чибин ургъаннга тёз.
Сууда джау джокъ, кёб сёзде магъана джокъ.
Арбаз къынгырды да, ийнек сауалмайма.
Окъугъан озар, окъумагъан тозар.
Къанны къан бла джуума, аманны аман бла къуума.
Джашынгы кесинг юретмесенг, джашау юретир.
Намысы болмагъанны, сыйы болмаз.
Арба аугъандан сора, джол кёргюзтюучю кёб болур.
Хоншуну тауугъу къаз кёрюнюр, келини къыз кёрюнюр.
Эки элинги тыйсанг, джети элде махталырса.
Адамны сабийин сюйген джюреги, бычакъча, джитиди.
Кёз – сюйген джерде, къол – ауругъан джерде.
Ачлыкъда тары гырджын халыуадан татлы.
Джол бла сёзню къыйыры джокъ.
Терслик кетер, тюзлюк джетер.
Арбаз сайлама да, хоншу сайла.
Кийимни бичсенг, кенг бич, тар этген къыйын тюлдю.
Харам къарнашдан, халал тенг ашхы.
Биреуге аманлыкъны тилеме да, кесинге ашхылыкъны тиле.
Бозаны арты дауур болур.
Байлыкъ келсе, акъыл кетер.
Дууулдаса – бал чибин, къонса – къара чибин.
Ойнаб айтсанг да, эслеб айт.
Суу ичген шауданынга тюкюрме.
Тилсиз миллет джокъ болур.
Зар адамны насыбы болмаз.
Джыйырма къойну юч джыйырма эбзе кюте эди.
))