Аллахха ийнаннган кишини, Аллах онгдурур ишин.
Гырджын – тепсини тамадасы.
Ишлегенден, къарагъан уста.
Термилгенинги табмазса, кюлгенинге тюберсе.
Шайтан алдады, тюзлюк къаргъады.
Итли къонакъ джарашмаз.
Къонакъ болсанг, ийнакъ бол.
Тулпарлыкъ, билекден тюл – джюрекден.
Кесине гебен этелмеген, биреуге черен эте эди.
Кёзню ачылгъаны – иги, ауузну джабылгъаны – иги.
Джерни букъусу кёкге къонмаз.
Ата Джуртун танымагъан, атасын да танымаз.
Айырылмаз джууугъунга, унутмаз сёзню айтма.
Тойгъан антын унутур.
Намысы джокъну – дуниясы джокъ.
Къыйынлы джети элни къайгъысын этер.
Эркишини аманы тиширыуну джылатыр.
Тиширыусуз юй – отсуз от джагъа.
Этек чакъмакълары баш джаргъан, сёлешген сёзлери таш джаргъан.
Къыз тиширыу кеси юйюнде да къонакъды.
Иесиз малны бёрю ашар.
Аман хансны – урлугъу кёб.
Ётюрюкню башын керти кесер.
Джауумдан сора, кюн кюйдюрюр, ётюрюкден сора, айыб кюйдюрюр.
Уруну арты – къуру.
Махтаннган къыз, тойда джукълар.
Билмейме деген – бир сёз
Къарт айтханны этмеген, къартаймаз.
«Ма», - дегенни билмесенг, «бер», - дегенни билмезсе.
Таш ата билмеген, башына урур.
Таукелге нюр джауар.
Келинни – келгинчи, бёркню кийгинчи кёр.
Эм уллу байлыкъ – джан саулукъ.
Ариу сёз джыланны орнундан чыгъарыр.
Тёрде – темир таякълы, къаяда – чыпчыкъ аякълы.
Къарт бла баш аша, джаш бла аякъ аша.
Билимли ёлмез, билимсиз кёрмез.
Садакъачыны джаны – къапчыгъында.
Насыблы элин сюер, насыбсыз кесин сюер.
Аман къатын алгъан, арыр, иги къатын алгъан джарыр.
Ойнай билмеген, уруб къачар.
Уллу къашыкъ эрин джыртар.
Этни да ашады, бетни да ашады.
Сакъламагъан затынга джолукъсанг, не бек къууанаса, не бек ачыйса.
Къонакъ кёб келюучю юйню, къазаны отдан тюшмез.
Байны оноуу, джарлыгъа джарамаз.
Юре билмеген ит, къонакъ келтирир.
Мухарны эси – ашарыкъда.
Бойнуму джети джерден кессенг да, мен ол ишни этеллик тюлме.
Ётюрюкден тюбю джокъ, кёлтюрюрге джиби джокъ.
))