Джарлы тюеге минсе да, ит къабар.
Накъырданы арты керти болур.
Ауурну тюбю бла, дженгилни башы бла джюрюген.
Намысы болмагъанны, сыйы болмаз.
Арпа, будай – ащды, алтын, кюмюш а – ташды.
Адамны аты башхача, акъылы да башхады.
Ариу сёз – джаннга азыкъ, аман сёз – башха къазыкъ.
Зарда марда джокъ.
Рысхы – насыбха къор.
Байлыкъдан саулукъ ашхыды.
Ата Джуртуму башы болмасам да, босагъасында ташы болайым.
Накъырда – кертини келечиси.
Танг атмайма десе да, кюн къоярыкъ тюйюлдю.
Джыланны къуйругъундан басарынг келсе, аны башы болгъанын унутма.
Иги бла джюрюсенг, джетерсе муратынга, аман бла джюрюсенг, къалырса уятха.
Таула не мийик болсала да, аууш табылыр.
Эринчекни эр алмаз, эр алса да, кёл салмаз, кёл салса да, кёб бармаз!
Тин – байлыгъынг, терен саулугъунг.
Шекер бла туз – бир болмаз, ушамагъан – юй болмаз.
Эм уллу байлыкъ – джан саулукъ.
Аууз сакълагъан – джан сакълар.
Аман хансны – урлугъу кёб.
Адам къаллай бир ишленмесе, аллай бир кесин уллу кёреди.
Соргъан айыб тюлдю, билмеген айыбды.
Малны кют, джерни тюрт.
Этим кетсе да, сюегим къалыр.
Ач – эснер, ат – кишнер.
Арбаз къынгырды да, ийнек сауалмайма.
Ачны эсинде – аш.
Бир абыннган – минг сюрюнюр.
Биреуню эскиси биреуге джангы болмайды.
Терслик кетер, тюзлюк джетер.
Тамчы таш тешер.
Аманнга алтын чыдамаз.
Чакъырылгъанны аты, чакъырылмагъанны багъасы болур.
Джан саулукъ бермей, сан саулукъ бермезсе.
Термилгенинги табмазса, кюлгенинге тюберсе.
Мураты болгъанны джюрек тебюую башхады.
Эл тойса, тоймагъан, эл къойса, къоймагъан.
Этни да ашады, бетни да ашады.
Айран ичген – къутулду, джугъусун джалагъан – тутулду.
Къошда джокъгъа – юлюш джокъ.
Джаралыны джастыгъында сау ёлюр.
Халкъгъа джарагъан, джарлы къалмаз.
Эки къатын алгъан – эки ташны ортасына башын салгъан.
Татлы сёз – балдан татлы.
Эрине къаргъыш этген къатын, эрнин къабар.
Сабыр джетер муратха, сабырсыз къалыр уятха.
Къыйынлы джети элни къайгъысын этер.
Тешигини къатында, чычхан да батыр болур.
))