Эски джаугъа ышанма.
Окъумагъан сокъурду, сокъур ташха абыныр!
Мадар болса, къадар болур.
Биреуге аманлыкъны тилеме да, кесинге ашхылыкъны тиле.
Къонагъы джокъну – шоху джокъ.
Аууздан келген, къолдан келсе, ким да патчах болур эди.
Рысхы – насыбха къор.
Эрни эр этерик да, къара джер этерик да, тиширыуду.
Чомартны къолу берекет.
Кийимни бичсенг, кенг бич, тар этген къыйын тюлдю.
Билмегенинги, билгеннге сор.
Ачылгъан эт джабылыр, кёрген кёз унутмаз.
Аджалсыз ёлюм болмаз.
Ата – баланы уясы.
Эрине къаргъыш этген къатын, эрнин къабар.
Таякъ этден ётер, тил сюекден ётер.
Дуния мал дунияда къалады.
Адам къаллай бир ишленмесе, аллай бир кесин уллу кёреди.
Джарлыны эшигин махтагъан джабар.
Адебсиз адам – джюгенсиз ат.
Акъыллы башны – тили къысха.
Акъыл сабырлыкъ берир.
Кёл ашады да, кеси ашады.
Къонакъ кёб келюучю юйню, къазаны отдан тюшмез.
Эл тойса, тоймагъан, эл къойса, къоймагъан.
Кёзю сокъурдан – къоркъма, кёлю сокъурдан – къоркъ.
Ашхылыкъ джерде джатмайды, аманлыкъ суугъа батмайды.
Ашхы болсанг, атынг чыгъар, аман болсанг, джанынг чыгъар.
Айныгъанлы алты кюн, тогъайгъанлы тогъуз кюн.
Адам туугъан джеринде, ит тойгъан джеринде.
Къарыусузгъа кюлме, онгсузгъа тийме.
Эте билген, этген этеди, эте билмеген, юретген этеди!
Бойнуму джети джерден кессенг да, мен ол ишни этеллик тюлме.
Ариуну – ауруу кёб.
Намыс болмагъан джерде, насыб болмаз.
Мени джылытмагъан кюн, меннге тиймесин!
Бал ашаргъа сюе эсенг, чибин ургъаннга тёз.
Ёлген ийнек сютлю болур.
Гугурук къычырмаса да, тангны атары къалмаз.
Сабий кёргенин унутмаз.
Ханнга да келеди хариблик.
Къан бла кирген, джан бла чыгъар.
Экеу тутушса, биреу джыгъылыр.
Биреуню тёрюнден, кесинги эшик артынг игиди.
Кёрмегеннге кебек – танг, битмегеннге сакъал – танг.
Джукъу тёшек сайламайды.
Босагъагъа джууукъ орун болса, ашыгъыб тёрге озма.
Адамны аты башхача, акъылы да башхады.
Сёлеш деб шай берген, тохта деб, сом берген.
Иги болса, тамадама – махтау, аман болса, меннге – айыб.
))