Ёксюзню къалачы уллу кёрюнюр.
Ауругъаннга – кийик саулукъ, джетген къызгъа – чилле джаулукъ.
Уллу къашыкъ эрин джыртар.
Тау башында, тау болмаз, джангыз терек, бау болмаз.
Ашхы адам – халкъ байлыгъы, ашхы джер – джашау байлыгъы.
Хар зат кесини орнуна иги.
Терек ауса, отунчу – кёб.
Тин – байлыгъынг, терен саулугъунг.
Аман адам элни бир-бирине джау этер.
Ишлегенде эринме, ишде чолакъ кёрюнме.
Эл тойса, тоймагъан, эл къойса, къоймагъан.
Чомарт къолда мал къалмаз.
Мадар болса, къадар болур.
Айыбны суу бла джууалмазса.
Къумурсхала джыйылсала, пилни да джыгъадыла.
Урунуу – насыбны анасы.
Къонакъ болсанг, ийнакъ бол.
Тенги кёбню джау алмаз, акъылы кёбню дау алмаз.
Азыкъ аз болса, эртде орун сал.
Къызын тута билмеген, тул этер, джашын тута билмеген, къул этер.
Ёнгкюч къууана барыр, джылай келир.
Бети къызарыучу адамны, джюреги харам болмаз.
Игини сыйлагъан адетди.
Мухардан ач ычхынмаз.
Аджашхан тёгерек айланыр.
Тиширыусуз юй – отсуз от джагъа.
Ауругъан – джашаудан умутчу.
Адамны сыфатына къарама, сёзюне къара.
Аз сёлеш, кёб ишле.
Асхат ашлыкъ сата, юйдегиси ачдан къата.
Аман къатын алгъан, арыр, иги къатын алгъан джарыр.
Телиге от эт десенг, юйюнге от салыр.
От кюйдюрген, сау болса да, тот кюйдюрген, сау болмаз.
Ёксюзню тилеги къабыл болур.
Эки элинги тыйсанг, джети элде махталырса.
Тилсиз миллет джокъ болур.
Таукел къуру къалмаз.
Этек чакъмакълары баш джаргъан, сёлешген сёзлери таш джаргъан.
Тынгылагъан тынгы бузар.
Тёзгеннге, джабылгъан эшик ачылыр.
Джюрекден джюрекге джол барды.
Бети – къучакълар, джюреги – бычакълар.
Эр сокъур болсун, къатын тилсиз болсун.
Тулпарлыкъ, билекден тюл – джюрекден.
Сормай – алма, чакъырылмай – барма.
Тёзген – тёш ашар!
Халкъны джырын джырласанг, халкъ санга эжиу этер.
Ашатыргъа иш – ашхы, ишлетирге аш – ашхы.
Чакъырылмагъан къонакъ къачан кетерин сормаз.
Экеулен сёлеше тура эселе, орталарына барыб кирме.
))