Накъырданы арты керти болур.
Ханнга да келеди хариблик.
Мухарны эси – ашарыкъда.
Зар адам ашынгы ашар, кесинги сатар.
Аш кетер да бет къалыр.
Тёрени джагъы джокъ.
Хар адамгъа кеси миннген тау кибик.
Бек ашыкъгъан меннге джетсин, дегенди аракъы.
Акъыллы эркиши атын махтар, акъылсыз эркиши къатынын махтар.
Къызбайны юйюне дери сюрсенг, батыр болур.
Сабийликде юретмесенг, уллу болса – тюзелмез.
Ашыкъгъанны этеги бутуна чырмалыр.
Джерни букъусу кёкге къонмаз.
Атынг аманнга чыкъгъандан эсе, джанынг тамагъынгдан чыкъсын.
Эркиши – от, тиширыу – суу.
Ауурну тюбю бла, дженгилни башы бла джюрюген.
Алтыда кюлмеген, алтмышда кюлмез.
Тёрдеги кюлсе, эшикдеги ышарыр.
Ёксюзню къалачы уллу кёрюнюр.
Ач, тоймам, дейди, тойгъан, ач болмам, дейди.
Мени джылытмагъан кюн, меннге тиймесин!
Суугъа – чабакъ, къаягъа – ыргъакъ.
Тенгинг джокъ эсе – изле, бар эсе – сакъла!
Терслик кетер, тюзлюк джетер.
Окъугъан озар, окъумагъан тозар.
Суугъа – таянма, джаугъа – ийнанма.
«Ёгюз, джаргъа джууукъ барма, меннге джюк боллукъса», - дегенди эшек.
Элде адам къалмаса, ит тахтагъа минер.
Намысы джокъну – дуниясы джокъ.
Ишлегенден, къарагъан уста.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Тыш элде солтан болгъандан эсе, кесинги элде олтан болгъан игиди!
Эшекге миннген – биринчи айыб, андан джыгъылгъан – экинчи айыб.
Эр сокъур болсун, къатын тилсиз болсун.
Билимсиз иш бармаз.
Ишлерге уял да, ашаргъа табма.
Хар сёзню орну барды.
Ётюрюкню башын керти кесер.
Чомарт бергенин айтмаз.
Сууда джау джокъ, кёб сёзде магъана джокъ.
Къатын къылыкъсыз, эр тынчлыкъсыз.
Ашлыкъ – бюртюкден, джюн – тюкден.
Къонагъы джокъну – шоху джокъ.
Уллу сёзде уят джокъ.
Тик ёргени, тик энгишгеси да болады.
Кимни – тили, тиши онглу, кимни – къолу, иши онглу.
Эри аманны, къатыны – аман.
Ашыкъгъан cуу, тенгизге джетмез.
Окъугъан – асыу, окъумагъан – джарсыу.
Алтыннга тот къонмаз.
))