Кёзню ачылгъаны – иги, ауузну джабылгъаны – иги.
Билгенни къолу къарны джандырыр.
Хаухну атма, ёнгкючню сатма.
Ишленмеклик адамлыкъды.
Ашхы тенг джолгъа салыр, аман тенг джолдан тайдырыр.
Этим кетсе да, сюегим къалыр.
Алгъанда – джууукъ, бергенде – джау.
Узун джолну барсанг, бюгюн келирсе, къысха джолну барсанг, тамбла келирсе.
Джолда аягъынга сакъ бол, ушакъда тилинге сакъ бол.
Къралынгы – душмандан, башынгы от бла суудан сакъла.
Билим ат болуб да чабар, къуш болуб да учар.
Кюн – узун, ёмюр – къысха.
Адамны сыфатына къарама, сёзюне къара.
Кюл тюбюндеги от кёрюнмейди.
Кийиминг бла танылма, адамлыкъ бла таныл.
Тас болгъан бычакъны сабы – алтын.
Сёлеш деб шай берген, тохта деб, сом берген.
Акъыллы айтыр эди, акъылсыз къоймайды.
Кечеси – аяз, кюню – къыш, джарлы къаргъагъа бир аш тюш!
Иги сёз – джаннга азыкъ, аман сёз башха – къазыкъ.
Тюзлюк шохлукъну бегитир.
Айтылгъан сёз ызына къайтмаз.
Суу да къайтады чыкъгъан джерине.
Эри аманны, къатыны – аман.
Къарт бла баш аша, джаш бла аякъ аша.
Юре билмеген ит, къонакъ келтирир.
Акъыл бла адеб эгизледиле.
Джолунга кёре – джюрюшюнг, джагъанга кёре – юлюшюнг.
Иги бла джюрюсенг, джетерсе муратынга, аман бла джюрюсенг, къалырса уятха.
Аманнга да, игиге да оноусуз къатышма.
Къартны сыйын кёрмеген, къартлыгъында сыйлы болмаз.
Аурууну келиую тынч, кетиую – къыйын.
Ариу джол аджал келтирмез.
Ач къарынны, токъ билмез
Адебсиз адам – джюгенсиз ат.
Тынгылагъан тынгы бузар.
Джаш болсун, къыз болсун, акъылы, саны тюз болсун.
Акъылсызны джууукъгъа алма, акъыллыны кенгнге салма.
Телини эшигин, махтау джабар.
Къууут – джелге, берне – бошха.
Сангырау къулакъ эл бузар.
Джуртун къоругъан озар.
Джырына кёре эжиую.
Ойнай билмеген, оюн бузар.
Баргъанынга кёре болур келгенинг.
Халкъны юйю – туугъан джери.
Хата – гитчеден.
Къарны аманнга къазан такъдырма, къолу аманнга от джакъдырма.
Чомартха хар кюн да байрамды.
Мал тутхан – май джалар.
))