Ач отунчуну ачыуу – бурнунда.
Ана кёлю – балада, бала кёлю – талада.
Ишленмеклик адамлыкъды.
Керилген да, ургъан кибикди.
Юйюнгден чыкъдынг – кюнюнгден чыкъдынг.
Башсыз урчукъ тюзюне айланмаз.
Акъыл къартда, джашда тюйюлдю – башдады.
Ашхы атаны – джашы ашхы, ашхы ананы – къызы ашхы.
Нафысынгы айтханын этме, намысынгы айтханын эт.
Бир онгсуз адам адет чыгъарды, деб эштирик тюлсе.
Къонакъ аз олтурур, кёб сынар.
Адеб базарда сатылмаз.
Ишге юренсин къоллары, халкъ бла болсун джоллары.
Аш кетер да бет къалыр.
Къая джолда джортма, ачыкъ сёзден къоркъма.
Чакъырылмагъан джерге барма, чакъырылгъан джерден къалма.
Ёзденликни джайгъан – джокълукъ.
Чомартны къолун джокълукъ байлар.
Хансыз джомакъ болмаз.
Тюкюрюк баш джармаз, налат кёз чыгъармаз!
Адамны сабийин сюйген джюреги, бычакъча, джитиди.
Кюлме джашха – келир башха.
Джумушакъ сёз къаты таякъны сындырыр.
Къонагъы джокъну – шоху джокъ.
Дууулдаса – бал чибин, къонса – къара чибин.
Байдан умут эте, джарлыдан ёгюз багъасы къорады.
Къонакъ кёб келюучю юйню, къазаны отдан тюшмез.
Джумушакъ терекни къурт ашар.
Аманны эки битли тону болур, бирин сеннге кийдирир, бирин кеси киер.
Окъумагъан сокъурду, сокъур ташха абыныр!
Чомартха хар кюн да байрамды.
Джахил болса анасы, не билликди баласы?
Аджал соруб келмез, келсе, къайтыб кетмез.
Aдам боллукъ, сыфатындан белгили.
Аман адам элни бир-бирине джау этер.
Махтаннган къыз, тойда джукълар.
Накъырданы арты керти болур.
Берекет берсин деген джерде, берекет болур.
Адамгъа аман кюн соруб келмейди.
Тил бла келеди джыр да.
Аурууну келиую тынч, кетиую – къыйын.
Билими азны – ауузунда кирит.
Билим къая тешер.
Адамны аманы адамны бети бла ойнар.
Бюгюн дуния кибик, тамбла ахыратды.
Кюн кёрмеген, кюн кёрсе, кюндюз чыракъ джандырыр.
Арбаз къынгырды да, ийнек сауалмайма.
Адамны бетине къарама, адетине къара.
Артына баргъанны, къатына барма.
Къыз келсе, джумуш эте келеди, къатын келсе, ушакъ эте келеди.
))