Ауузу бла къуш тута айланады.
Эки элинги тыйсанг, джети элде махталырса.
Чабакъгъа акъыл, табагъа тюшсе келеди.
Тойгъа барсанг, тоюб бар, эски тонунгу къоюб бар.
Уллу къашыкъ эрин джыртар.
Къошда джокъгъа – юлюш джокъ.
Ханнга да келеди хариблик.
Башсыз урчукъ тюзюне айланмаз.
Арбаз сайлама да, хоншу сайла.
Иги сеники эсе да, сюйген кесимикин этеме.
Къаллай салам берсенг, аллай джууаб алырса.
Джети тилни билген джети кишиди.
Къартны сыйын кёрмеген, къартлыгъында сыйлы болмаз.
Керек ташны ауурлугъу джокъ.
Къартха ушагъан джаш – акъыллы, джашха ушагъан къарт – тели.
Суу ичген шауданынга тюкюрме.
Кюн кёрмеген, кюн кёрсе, кюндюз чыракъ джандырыр.
Ашарыкъда сайлагъаннга – чий гырджын.
Джолунга кёре – джюрюшюнг, джагъанга кёре – юлюшюнг.
Айтылгъан буйрукъ, сёгюлмез
Ариу сёз джыланны орнундан чыгъарыр.
Иесиз малны бёрю ашар.
Хар сёзню орну барды.
Къартны бурнун сюрт да, оноугъа тут.
Чомартны къолун джокълукъ байлар.
Шапа кёб болса, аш татымсыз болур.
Джылар джаш, атасыны сакъалы бла ойнар.
Айыбны суу бла джууалмазса.
Къозулугъунда тоймагъан, къойлугъунда тоймаз.
Джарлыны тону джаз битер.
Айранын берсенг, челегин да къызгъанма.
Къарт болгъан джерде, берекет болур, сабий болгъан джерде, оюн болур.
Сакъламагъан затынга джолукъсанг, не бек къууанаса, не бек ачыйса.
Хар зат кесини орнуна иги.
Ашын ашагъанынгы, башын да сыйла.
Сабий болмагъан джерде, мёлек болмаз.
Къайтырыкъ эшигинги, къаты уруб чыкъма.
Башы джабылгъан челекге, кир тюшмез.
Тилчиден кери бол.
Тил – кесген бычакъ, сёз – атылгъан окъ.
Къарын къуру болса, джюрек уру болур.
Ат да турмайды бир териде.
Ышармагъан – кюлмез, кюлмеген – къууанчны билмез.
Урама да – ёледи, сатама да – келеди.
Джюрекге ариу – кёзге да ариу.
Бет бетге къараса, бет да джерге къарар.
Олтуруб кёрюнмей эди да, ёрге туруб кёрюне эди.
Кёз – сюйген джерде, къол – ауругъан джерде.
Къарт бла баш аша, джаш бла аякъ аша.
Чакъырылмагъан къонакъ – орунсуз.
))