Аман къатын сабий табса, бий болур…
Намыс сатылыб алынмайды.
Чабакъгъа акъыл, табагъа тюшсе келеди.
Къартха ушагъан джаш – акъыллы, джашха ушагъан къарт – тели.
Мени джылытмагъан кюн, меннге тиймесин!
Джырына кёре эжиую.
Иги адам абынса да, джангылмаз.
Хаухну атма, ёнгкючню сатма.
Халкъны юйю – туугъан джери.
Бастасын ашагъан, хантусун да ичер.
Онгсузну – джакъла, тенгликни – сакъла.
Сютден ауузу кюйген, суугъа юфгюре эди.
Къолунгдан къуймакъ ашатсанг да, атаны борчундан къутулмазса.
Ханы къызы буюгъа-буюгъа киштик болду.
Агъач – джерни чырайы, кийим – эрни чырайы.
Башланнган иш битер, къымылдагъан тиш тюшер.
Керти сёзге тёре джокъ.
Тойгъанлыкъ къойгъа джарашады.
Аджашханны ызындагъы кёреди, джангылгъанны джанындагъы биледи.
Къатын байлыкъны сюер, эр саулукъну сюер.
Ашда – бёрю, ишде – ёлю.
Сескекли кесин билдирир.
Тюзню ётмеги тюзде къалса да, тас болмаз.
Аш кетер да бет къалыр.
Таш бла ургъанны, аш бла ур.
Байдан умут эте, джарлыдан ёгюз багъасы къорады.
Биреуню эскиси биреуге джангы болмайды.
Игилик игилик бла сингдирилиучю затды.
Аз сёлеш, кёб ишле.
Сакъламагъан затынга джолукъсанг, не бек къууанаса, не бек ачыйса.
Гыдай эчки суугъа къараб, мюйюзле кёрмесе, джашма алкъын, дегенди.
Биреу къой излей, биреу той излей.
Экиндини кеч къылсанг, чабыб джетер ашхам.
Билимли ёлмез, билимсиз кёрмез.
Узун джолну барсанг, бюгюн келирсе, къысха джолну барсанг, тамбла келирсе.
Бозаны арты дауур болур.
Къызны минг тилер, бир алыр.
Келинни – келгинчи, бёркню кийгинчи кёр.
Ойнай-ойнай кёз чыгъар.
Ариу джол аджал келтирмез.
Тай асырагъан, атха минер.
Ата Джуртча джер болмаз, туугъан элча эл болмаз.
Баш – акъыл ючюн, акъылман – халкъ ючюн.
Джарлыны тону джаз битер.
Адам бла мюлк юлешмеген эсенг, ол адамны билиб бошагъанма, деб кесинги алдама.
Къатын къылыкъсыз, эр тынчлыкъсыз.
Эски джаугъа ышанма.
Адамны аты башхача, акъылы да башхады.
Ётюрюкню къуйругъу – бир тутум.
Джарлы джети элни сёзюн этер.
