Къызын тута билмеген, тул этер, джашын тута билмеген, къул этер.
Чакъырылмагъан къонакъ къачан кетерин сормаз.
Тенги кёбню джау алмаз, акъылы кёбню дау алмаз.
Ата джурт – алтын бешик.
Онгсузну – джакъла, тенгликни – сакъла.
Сёлеш деб шай берген, тохта деб, сом берген.
Къонагъы джокъну – шоху джокъ.
Арбаз сайлама да, хоншу сайла.
Сангырау къулакъ эл бузар.
Джюрекге ариу – кёзге да ариу.
Къайгъы тюбю – тенгиз.
Тойгъан джерден туугъан джер игиди.
Агъач – джерни чырайы, кийим – эрни чырайы.
Ашыкъгъан cуу, тенгизге джетмез.
Тойгъа алгъа да барма, тойда артха да къалма.
Аман къатын алгъан, арыр, иги къатын алгъан джарыр.
Байлыкъ келсе, акъыл кетер.
Харам къарнашдан, халал тенг ашхы.
Джумушакъ терекни къурт ашар.
Ачыу алгъа келсе, акъыл артха къалады.
Аманны эки битли тону болур, бирин сеннге кийдирир, бирин кеси киер.
«Ма», - дегенни билмесенг, «бер», - дегенни билмезсе.
Уруну арты – къуру.
Кёб ант этген, кёб ётюрюк айтыр.
Насыблы элин сюер, насыбсыз кесин сюер.
Нёгер болсанг, тенг бол, тенг болмасанг, кенг бол.
Къонакъ болсанг, ийнакъ бол.
Аманнга да, игиге да оноусуз къатышма.
Ишни ахырын ойламай, аллын башлама.
Ашлыкъны арба юйге келтирир, чана базаргъа элтир.
Накъырда – кертини келечиси.
Иги болса, тамадама – махтау, аман болса, меннге – айыб.
Билмегенинги, билгеннге сор.
Джолда аягъынга сакъ бол, ушакъда тилинге сакъ бол.
Хоншуну тауугъу къаз кёрюнюр, келини къыз кёрюнюр.
Эллинг бла джау болсанг да, юйюнг бла джау болма.
Ойнай билмеген, оюн бузар.
Игилик игилик бла сингдирилиучю затды.
Дуния мал дунияда къалады.
Кёзню ачылгъаны – иги, ауузну джабылгъаны – иги.
Баш болса, бёрк табылыр.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Кесине гебен этелмеген, биреуге черен эте эди.
Эртде тургъан бла эртде юйленнген сокъуранмаз.
Къумурсхала джыйылсала, пилни да джыгъадыла.
Къобан да къуру да къобханлай турмайды, адам да къуру да патчахлай турмайды.
Кеси юйюмде мен да ханма.
Сакъалы текени да бар, мыйыгъы киштикни да бар.
Чомарт къолда мал къалмаз.
Арба аугъандан сора, джол кёргюзтюучю кёб болур.
