Ичимден чыкъды хата, къайры барайым сата?
Артына баргъанны, къатына барма.
Иги сёз – джаннга азыкъ, аман сёз башха – къазыкъ.
Кютгени беш эчки, сызгъыргъаны уа, джерни джарады.
Джыгъылгъанны сырты джерден тоймаз.
Къызын тута билмеген, тул этер, джашын тута билмеген, къул этер.
Окъдан джара эртде-кеч болса да бителир, сёз джара, ёмюрге къалыр.
Таугъа чыгъаллыкъ эсенг, тюзде къалма.
Адамны сабийин сюйген джюреги, бычакъча, джитиди.
Кесине гебен этелмеген, биреуге черен эте эди.
Иги адамны бир сёзю эки болмаз.
Эм уллу байлыкъ – джан саулукъ.
Аманнга алтын чыдамаз.
Окъуу – билимни ачхычы, окъуу – дунияны бачхычы.
Ышармагъан – кюлмез, кюлмеген – къууанчны билмез.
Джангыз терек къынгыр ёсер.
Джырчы ёлсе, джыры къалыр.
Мухардан ач ычхынмаз.
Ашатыргъа иш – ашхы, ишлетирге аш – ашхы.
Адамны адамлыгъы къыйынлыкъда айгъакъланады.
Намыс болмагъан джерде, насыб болмаз.
Бойнуму джети джерден кессенг да, мен ол ишни этеллик тюлме.
Ач къалгъандан, кеч къалгъан къолай.
Бастасын ашагъан, хантусун да ичер.
Ашха уста, юйюнде болсун
Тин – байлыгъынг, терен саулугъунг.
Халкъгъа джарагъан, джарлы къалмаз.
Кёб ашасанг, татыуу чыкъмаз, кёб сёлешсенг, магъанасы чыкъмаз.
«Ма», - дегенни билмесенг, «бер», - дегенни билмезсе.
Чакъырылмагъан къонакъ тёрге атламаз.
Адам сёзюнден белгили.
Ана кёлю – балада, бала кёлю – талада.
Ишлегенде эринме, ишде чолакъ кёрюнме.
Чомартха хар кюн да байрамды.
Къобан да къуру да къобханлай турмайды, адам да къуру да патчахлай турмайды.
Билмегенинги, билгеннге сор.
Онгсузну – джакъла, тенгликни – сакъла.
Экеулен сёлеше тура эселе, орталарына барыб кирме.
Чакъырылмагъан джерге барма, чакъырылгъан джерден къалма.
Сыфатында болмагъаны, суратында болмаз.
Къолунгдан къуймакъ ашатсанг да, атаны борчундан къутулмазса.
Узун джолну барсанг, бюгюн келирсе, къысха джолну барсанг, тамбла келирсе.
Тынгылагъан тынгы бузар.
Телини эшигин, махтау джабар.
Аллахдан тилесенг, кёб тиле.
Босагъа таш юйге кирмей эди, тыбыр таш эшикге чыкъмай эди.
Келлик заман – къартлыкъ келтирир, кетген заман – джашлыкъ ёлтюрюр.
Сибиртки да сыйлы болду, кюрек да кюнлю болду.
Ашхы – джыяр, аман – джояр.
Билим – акъылны чырагъы.
