Айныгъанлы алты кюн, тогъайгъанлы тогъуз кюн.
Билгенни къолу къарны джандырыр.
Чакъырылгъанны аты, чакъырылмагъанны багъасы болур.
Джюз элде джюз ёгюзюм болгъандан эсе, джюз джууугъум болсун.
Къая джолда джортма, ачыкъ сёзден къоркъма.
Джахил болса анасы, не билликди баласы?
Тилчи бир сагъатха айлыкъ хата этер.
Адебни адебсизден юрен.
Эки ойлашыб, бир сёлешген.
Аякъларынгы джууургъанынга кёре узат.
Рысхы – насыбха къор.
Къызны минг тилер, бир алыр.
Дженгил джетерикме деб, узун джолну къоюб, къысхасын барма.
Эрине къаргъыш этген къатын, эрнин къабар.
Билмейме деген – бир сёз
Ач къарным, тынч къулагъым.
Эркишиге тары кебек танг кёрюнюр.
Кимни – тили, тиши онглу, кимни – къолу, иши онглу.
Джумушакъ терекни къурт ашар.
Тилчиден кери бол.
Сютню башын джалагъан къутулур, тюбюн ичген тутулур.
Кёл – къызбай, къол – батыр.
Ач, тоймам, дейди, тойгъан, ач болмам, дейди.
Сабий болмагъан джерде, мёлек болмаз.
Байны къызы баймакъ болса да, юйде къалмаз!
Окъуу – билимни ачхычы, окъуу – дунияны бачхычы.
Кёзюнде тереги болгъан, чёбю болгъаннга кюле эди.
Къыз чыгъаргъан – къызыл къымжа.
Тас болгъан бычакъны сабы – алтын.
Сабийни джумушха джибер да, ызындан бар.
Намысы болмагъанны, сыйы болмаз.
Ачыкъ джюрекге джол – ачыкъ.
Тик ёргени, тик энгишгеси да болады.
Къазанчы аман болса, къазаны къайнамаз.
Ачлыкъ отха секиртир.
Магъанасыз сёз – тауушсуз сыбызгъы.
Билмегенинги, билгеннге сор.
Акъыл къартда, джашда тюйюлдю – башдады.
Этим кетсе да, сюегим къалыр.
Аууз сакълагъан – джан сакълар.
Ата – баланы уясы.
Ашхы тенг джолгъа салыр, аман тенг джолдан тайдырыр.
Къызын тута билмеген, тул этер, джашын тута билмеген, къул этер.
Хар ишни да аллы къыйынды.
Ата Джуртча джер болмаз, туугъан элча эл болмаз.
Къатын къылыкъсыз, эр тынчлыкъсыз.
Аджаллыгъа окъсуз шкок атылыр.
Тау башында, тау болмаз, джангыз терек, бау болмаз.
Биреуню тёрюнден, кесинги эшик артынг игиди.
Тойгъа алгъа да барма, тойда артха да къалма.
