Ётюрюкню къуйругъу – бир тутум.
Миллетни бойну – базыкъ, аны бла кюрешген – джазыкъ.
Ойнай-ойнай кёз чыгъар.
Къонакъ аз олтурур, кёб сынар.
Арба аугъандан сора, джол кёргюзтюучю кёб болур.
Иги бла джюрюсенг, джетерсе муратынга, аман бла джюрюсенг, къалырса уятха.
Сёз садакъдан кючлюдю.
Экиндини кеч къылсанг, чабыб джетер ашхам.
Магъанасыз сёз – тауушсуз сыбызгъы.
Эки элинги тыйсанг, джети элде махталырса.
Билмезни кёзю кёрмез, этмезни къулагъы эшитмез.
Ишлегенде эринме, ишде чолакъ кёрюнме.
Къонакъ болсанг, ийнакъ бол.
Бетинги сатма, малынгы сат.
Гыдай эчки суугъа къараб, мюйюзле кёрмесе, джашма алкъын, дегенди.
Битмегеннге сакъал – танг.
Эл ауузу – элек, анга ийнаннган – халек.
Тилчи тилден къаныкъмаз.
Сабийликде юретмесенг, уллу болса – тюзелмез.
Бойнуму джети джерден кессенг да, мен ол ишни этеллик тюлме.
Аманнга алтын чыдамаз.
Чыкълы кюнде чыкъмагъан, чыкъса къуру кирмеген.
Айныгъанлы алты кюн, тогъайгъанлы тогъуз кюн.
Эрине къаргъыш этген къатын, эрнин къабар.
Джогъун бар этген, барын бал этген.
Экеулен сёлеше тура эселе, орталарына барыб кирме.
Джюрекге ариу – кёзге да ариу.
Ат басханны джер билед.
Ариу сёз – джаннга азыкъ, аман сёз – башха къазыкъ.
«Ма», - дегенни билмесенг, «бер», - дегенни билмезсе.
«Ёгюз, джаргъа джууукъ барма, меннге джюк боллукъса», - дегенди эшек.
Окъумагъан сокъурду, сокъур ташха абыныр!
Бети – къучакълар, джюреги – бычакълар.
Азыкълы ат арымаз, къатыны аман джарымаз.
Къарын къуру болса, джюрек уру болур.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Олтуруб кёрюнмей эди да, ёрге туруб кёрюне эди.
Окъугъан озар, окъумагъан тозар.
Ач отунчуну ачыуу – бурнунда.
Ханы къызы буюгъа-буюгъа киштик болду.
Аманнга игилик этсенг, юйюнге сау бармазса.
Урама да – ёледи, сатама да – келеди.
Эркишиге тары кебек танг кёрюнюр.
Хатерли къул болур.
Келинни – келгинчи, бёркню кийгинчи кёр.
Ашына кёре табагъы, балына кёре къалагъы.
Ётюрюкню башын керти кесер.
Биреу ашаб къутулур, биреу джалаб тутулур.
Шайтан алдады, тюзлюк къаргъады.
Эл ауузу – элия.
