Кёбге таш атма.
Къан бла кирген, джан бла чыгъар.
Ашхы сёз таш тешер.
Иги бла джюрюсенг, джетерсе муратынга, аман бла джюрюсенг, къалырса уятха.
Тёрени джагъы джокъ.
Ач къарным, тынч къулагъым.
Эки ойлашыб, бир сёлешген.
Насыблы элин сюер, насыбсыз кесин сюер.
Джырчы джырчыгъа – къарнаш.
Къарны аманнга къазан такъдырма, къолу аманнга от джакъдырма.
Юйюнг бла джау болгъандан эсе, элинг бла джау бол.
Къуру гыбыт бек дыгъырдар.
Эллинг бла джау болсанг да, юйюнг бла джау болма.
Бичгенде ашыкъма, тикгенде ашыкъ.
Аман киши кеси юйюнде – къонакъ.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Кютгени беш эчки, сызгъыргъаны уа, джерни джарады.
Акъыл аздырмаз, билим тоздурмаз.
Артына баргъанны, къатына барма.
Татлы сёз – балдан татлы.
Сютден ауузу кюйген, суугъа юфгюре эди.
Берекет берсин деген джерде, берекет болур.
Эрине къаргъыш этген къатын, эрнин къабар.
Сабий болмагъан джерде, мёлек болмаз.
Къыз чыгъаргъан – къызыл къымжа.
Джашда акъыл джокъ, къартда къарыу джокъ.
Иги – алгъыш этер, аман – къаргъыш этер.
Аманны къуугъан, аманлыкъ табар.
Мухардан ач ычхынмаз.
Ашаса, ашамаса да, бёрюню ауузу – къан.
Къонакъ аман болса, къонакъбай джунчур
Мал кёб болса, джууукъ кёб болур.
Накъырда – кертини келечиси.
Тюзлюк тас болмайды.
Къарнынг тойгъунчу аша да, белинг талгъынчы ишле.
Сакъламагъан затынга джолукъсанг, не бек къууанаса, не бек ачыйса.
Тешик этген тынчды, аны джамагъан къыйынды.
Джашны джигитлиги сорулур, къызны джигерлиги сорулур.
Ач келгенни – тойдур, кеч келгенни – къондур.
Ойнаб айтсанг да, эслеб айт.
Ауругъаннга – кийик саулукъ, джетген къызгъа – чилле джаулукъ.
Олтуруб кёрюнмей эди да, ёрге туруб кёрюне эди.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Чыкълы кюнде чыкъмагъан, чыкъса къуру кирмеген.
Окъ къызбайны джокълайды.
Эки элинги тыйсанг, джети элде махталырса.
Тилчи бир сагъатха айлыкъ хата этер.
Адам туугъан джеринде, ит тойгъан джеринде.
Сыфатында болмагъаны, суратында болмаз.
Уллу къазанда бишген эт, чий къалмаз.
