Келинин тута билмеген, къул этер, къызын тута билмеген, тул этер.
Тёрде – темир таякълы, къаяда – чыпчыкъ аякълы.
Мал тутхан – май джалар.
Aдам боллукъ, сыфатындан белгили.
Нафысынгы айтханын этме, намысынгы айтханын эт.
Экиндини кеч къылсанг, чабыб джетер ашхам.
Эри аманны, къатыны – аман.
Ёлген эшек бёрюден къоркъмайды.
Игилик игилик бла сингдирилиучю затды.
Байлыкъдан саулукъ ашхыды.
Бастасын ашагъан, хантусун да ичер.
Сабыр джетер муратха, сабырсыз къалыр уятха.
Джюрекден джюрекге джол барды.
Ёзденликни кёбю ётюрюк.
Алма терегинден кери кетмез.
Къыз келсе, джумуш эте келеди, къатын келсе, ушакъ эте келеди.
Иги адамны бир сёзю эки болмаз.
Джаным-тиним – окъуу, билим.
Абынмазлыкъ аякъ джокъ, джангылмазлыкъ джаякъ джокъ.
Тойну къарнашы – харс, джырны къарнашы – эжиу.
Къарны аманнга къазан такъдырма, къолу аманнга от джакъдырма.
Намысы болмагъанны, сыйы болмаз.
Байма, деб да, къууанма, джарлыма, деб да, джылама.
Ашыкъгъан cуу, тенгизге джетмез.
Суугъа – чабакъ, къаягъа – ыргъакъ.
Айтхан – тынч, этген – къыйын.
Иги болса, тамадама – махтау, аман болса, меннге – айыб.
Биреу къой излей, биреу той излей.
Игини сыйлагъан адетди.
Къыйынлы джети элни къайгъысын этер.
Джан саулукъ бермей, сан саулукъ бермезсе.
Чыбыкълыкъда бюгюлмеген, къазыкълыкъда бюгюлмей эди.
Кесине гебен этелмеген, биреуге черен эте эди.
Халкъны юйю – туугъан джери.
Малны кют, джерни тюрт.
Мухардан ач ычхынмаз.
Гыдай эчки суугъа къараб, мюйюзле кёрмесе, джашма алкъын, дегенди.
Уллу сёзде уят джокъ.
Таш бла ургъанны, аш бла ур.
Ат басханны джер билед.
Кёпюр салгъан кеси ётер, уру къазгъан кеси кетер.
Адам къыйынлыгъын кёлтюрюр, зауукълугъун кёлтюрмез.
Дженгил джетерикме деб, узун джолну къоюб, къысхасын барма.
Берекет берсин деген джерде, берекет болур.
Къыз тиширыу кеси юйюнде да къонакъды.
Уллу къазанда бишген эт, чий къалмаз.
Рысхысына кёре, джаш ёсер, къышлыгъына кёре, мал ёсер.
Ач отунчуну ачыуу – бурнунда.
Арыгъан къош чамчы болур.
Элде адам къалмаса, ит тахтагъа минер.
